بلال‌ بار


سحر توردي‌ پيغمبر

مسجد ايچره‌ بلال‌ بار

چيقدي‌ بلال‌ ايچردن‌

گوردي‌ ايكي‌ هلال‌ بار

 

داوود الينده‌ پولات‌

مونچا توتماز نه‌ حالت‌

اول‌ يتميش‌ ايكي‌ ملت‌

يوزده‌ اون‌ دورت‌ دلال‌ بار

 

چارانگ‌ يوق‌، بي‌ تدبير سن‌

تانگلا نه‌ جواب‌ بيير سن‌

نه‌ اوچين‌ حرام‌ ايير سن‌

حق‌ برديگي‌ حلال‌ بار

 

يدي‌ درويش‌، اهل‌ حال‌

اسكندر، رستم‌ زال‌

قيرق‌ عاشق‌ بار، قيرق‌ ابدال‌

هر باشدا بير خيال‌ بار

 

مختومقلي‌نينگ‌ بندي‌

دشت‌دير، اشيت‌، بندر بندي‌

بارچا ايشينگ‌ سربندي‌

يارادان‌ ـ ذوالجلال‌ بار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی