بريانه‌بولدوم‌ايمدي


عشق‌ آتشينه‌ دوشدوم‌، پروانه‌ بولدوم‌ ايمدي‌

شوقينگ‌ كوزينه‌ كويدوم‌، بريانه‌ بولدوم‌ ايمدي‌

جسميم‌ كبابه‌ دوندي‌، گريانه‌ بولدوم‌ ايمدي‌

گنج‌ ايسته‌ين‌لر گلينگ‌، ويرانه‌ بولدوم‌ ايمدي‌

آيريلديم‌ اغيارلاردان‌، بيگانه‌ بولدوم‌ ايمدي‌

 

چيقارديم‌ باشدان‌ ايمدي‌، دنيا هواسين‌ مط‌لق‌

نه‌ فرشه‌ آياق‌ باسدينگ‌، دولان‌، بير اوزينگه‌ باق‌

كول‌ بولوپ‌، يل‌گه‌ ساوريل‌، اول‌ گذره‌ جانينگ‌ ياق‌

لازم‌ اولدي‌ اوقيماق‌، "انا الحق‌" و "من‌ الحق‌"

مي‌ ايچيپ‌ ميخانه‌دان‌، مستانا بولدوم‌ ايمدي‌

 

دنيا مندن‌ هزل‌ اتمز، من‌ هم‌ بهره‌ آلماز من‌

اودوم‌ اوتگور درديم‌ چوخ‌، خوش‌ وقت‌ اولوپ‌ گولمز من‌

آغير بها عالمني‌، آلتي‌ پولا آلماز من‌

دوست‌ قايسي‌، دوشمان‌ قايسي‌، فرقين‌ اده‌ بيلمز من‌

هيچ‌ كيمسه‌ آنگماز حاليم‌، عيانه‌ بولدوم‌ ايمدي‌

 

بير مقامه‌ دوش‌ بولدوم‌، فكر آندا فكره‌ باتدي‌

جان‌ آندا جاندان‌ بولدي‌، اسسيندن‌ گيديپ‌ ياتدي‌

جسد يولدا يوق‌ اوتدي‌، كونگول‌ اوزون‌ اونوتدي‌

عشق‌ قوشون‌ ييغيب‌ گليپ‌، عقل‌ ملكين‌ داغيتدي‌

تالانه‌ برليپ‌ عقليم‌، ديوانه‌ بولدوم‌ ايمدي‌

 

مختومقلي‌، هر زمان‌ نيله‌يين‌ اولماي‌ گريان‌

فكر لايينا باتديم‌، چيقا بيلمز من‌ بير يان‌

گووره‌ خراب‌، تن‌ تراب‌، كونگلوم‌نينگ‌ شهري‌ ويران‌

جان‌، جسد، ديل‌ عقلدان‌، آيريليپ‌ قالديم‌ عريان‌

ايش‌ گلدي‌ باشا دوشدي‌، مردانه‌ بولدوم‌ ايمدي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی