برمه‌فلكه‌


فلك‌ بازي‌ برميش‌ جمله‌ جهانا

منينگ‌ اختياريم‌ برمه‌ فلكه‌

كونگول‌ قوشي‌ اوچوپ‌ گيتسه‌ هر يانا

محتاج‌ اتمه‌ قانات‌، قويروق‌، يله‌گه‌

 

بي‌دولت‌ اينانجانگ‌، كاسب‌ كايينجنگ‌

يدي‌ يسير بولسا، بيري‌ گووينجنگ‌

باي‌ خلقي‌ يانگرا بور، قارري‌ اووينجنگ‌

چاليپ‌ بولماز چال‌ آغارسا چله‌گه‌

 

اوردا باشي‌ بولماق‌ آيرا قين‌ بولار

پارچه‌ گيسه‌، قيز - اوغلانا سين‌ بولار

دول‌ گوزونه‌ قارري‌ نازنين‌ بولار

ينه‌ گوزون‌ آيلار كوره‌، چولاغا

 

چپينه‌ آيلانان‌ چرخي‌ فلك‌دير

آدم‌ اوغلي‌ ــ گلن‌ باري‌ هلاك‌دير

يتميش‌ ايكي‌ ملت‌ بولك‌ - بولك‌دير

بو بولك‌دن‌ قوشما اوزگه‌ بوله‌گه‌

 

يول‌ اوستونده‌ اولسم‌، يولا آتسالار

راضي‌ من‌ اوستومدن‌ باسيب‌ اوتسه‌لر

"مختومقلي‌" ديييپ‌ آديم‌ توتسالار

گورن‌ گوز جورت‌ آتار اشيدن‌ قولاغا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی