برقراراتگن‌كريم


اون‌ سكيز مونگ‌ عالمي‌ بير دمده‌ بار اتگن‌ كريم‌

يدي‌ غبرا، نه‌ فلك‌ني‌ برقرار اتگن‌ كريم‌

بنده‌لرگه‌ رحمتين‌ هر دم‌ نثار اتگن‌ كريم‌

اول‌ ملايك‌لرني‌ گوكده‌ بيشمار اتگن‌ كريم‌

قدرتين‌ ايكي‌ جهاندا آشكار اتگن‌ كريم‌

 

كيملري‌ گمراه‌ قيليپ‌، بردي‌ آنگا راه‌ ضلال‌

كيملري‌ مومن‌ قيليپ‌، اوزون‌ تاناتدي‌ بي‌مثال‌

هر كيمي‌ بير كويه‌ سالدي‌ اول كريم‌ لايزال‌

نيچه‌لر ط‌اعت‌ بيله‌ عمرين‌ اوتوردي‌ ماه‌ و سال‌

نيچه‌لرني‌ معصيت‌ده‌ شرمسار اتگن‌ كريم‌

 

انبيالار افضلي‌ اول‌ مصط‌في‌ خيرالبشر

هم‌ ملايك‌لر گوروپ‌، قيلدي‌ باشيغا تاجي‌ زر

يا شفيع‌ المذنبين‌ دييپ‌، ياد ادر من‌ هر سحر

قدرتيندان‌ مسيحاني‌ ياراتدي‌ اول‌ بي‌پدر

اوت‌ني‌ ابرهيم‌ خليلغا لاله‌زار اتگن‌ كريم‌

 

كيملره‌ بردي‌ خداييم‌ عيش‌ و عشرت‌ بي‌حساب‌

كيمسه‌لر حسرت‌ بيلن‌ نان‌ تاپمايين‌، باغري‌ كباب‌

كيملره‌ راحت‌ باغيشلاپ‌، كيملره‌ بردي‌ عذاب‌

دنيا بير كرون‌سراي‌دير، اوتدي‌ موندان‌ صبح‌ و شب‌

هر كيمه‌ تقديري‌ قسمت‌ روزگار اتگن‌ كريم‌

 

كيملري‌ شاه‌ ايله‌ييپ‌، بردي‌ مرصع‌ تاج‌ آنگا

كيملري‌ فقر و فنادا ايله‌دي‌ محتاج‌ آنگا

نيچه‌لرگه‌ بردي‌ دولت‌، نيچه‌لر غلا ج‌ آنگا

دوستوم‌ دييپ‌ لط‌ف‌ قيلدي‌ ليل المعراج‌ آنگا

مصط‌فانينگ‌ دوستلاريني‌ چاريار اتگن‌ كريم‌

 

اولا ايكي‌ جهاني‌ بار ادن‌ قادر خدا

نيچه‌ قوللار حق‌ يولوندا ايله‌دي‌ جانين‌ فدا

نيچه‌لر فسقي‌ - فسادا قيلديلار عمرين‌ ادا

دنياگه‌ گلن‌ گيدر باي‌ و فقير، شاه‌ و گدا

بارچا قولي‌ شوم‌ اولوم‌ الينده‌ زار اتگن‌ كريم‌

 

مقصدينگ‌، مختومقلي‌، سن‌ حق‌ تعالي‌دان‌ ديله‌

غافل‌ اولما گيجه‌ - گونديز، بول‌ خدا ذكري‌ بيله‌

بيز دك‌ عاصي‌ قوللارا شايد، خدا رحمت‌ قيلا

عمرينگي‌ ضايع‌ گچيرمه‌، حاصلينگ‌ برمه‌ يله‌

بارچالارنينگ‌ جانيني‌ آخر مزار اتگن‌ كريم

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی