"تورغول‌!" دييدي‌لر


بير گيجه‌ ياتيرديم‌ تونونگ‌ يارينده‌

بير دورت‌ آط‌لي‌ گليپ‌: "تورغول‌!" دييدي‌لر

"خبريميز بار سانگا فرصت‌ جايينده‌

شول‌ يرده‌ ارلر بار، گورگول‌" دييدي‌لر

 

نظ‌ريم‌ يتوشگاچ‌ شول‌ دورت‌ مردانه

كونگلوم‌ جوشا گلدي‌، باشيم‌ گردانه‌

شول‌ يرده‌ بار ايدي‌ ايكي‌ ديوانه‌

"دورما، اوغلان‌، آندا بارغيل‌!" دييدي‌لر

 

شول‌ ايكي‌ ديوانه‌ توتدي‌ قولومدان

آليبان‌ گيتديلر دورغان‌ يريمدن‌

بير اشارت‌ بولدي‌ آنينگ‌ بيريندن‌:

"سيراندا باريبان‌ دورغول‌!" دييدي‌لر

 

اوتوريپديق‌، گلدي‌ ايكي‌ پيرزاده

گوزوندن‌ ياش‌ آقار، ديلي‌ دعادا

"هو  حق‌!" ديييپ‌ چيقدي‌ آلتي‌ پياده

‌"آدم‌ ايندي‌ گلر، گورگول‌!" دييدي‌لر

 

بير دورت‌ آط‌لي‌ گلدي‌، باري‌ سبزه‌باز

عصالاري‌ ياشيل‌، آط‌ي‌  ط‌لبه‌باز

"مجلس‌ حلقه‌سيني‌ قورمانگ‌ بيله‌ آز

آدام‌ كوپدور، اولوغ‌ قورغول‌!" دييدي‌لر

 

داشدان‌ چيقدي‌، آلتميش‌ آط‌لي‌ گوردي‌لر

"محمد!" ديييپ‌، باري‌ قارشي‌ يوردي‌لر

ساغليق‌ - سلامتليق‌ بير - بير سوردي‌لر

"دورمانگ‌، اولوغ‌ جايه‌ يورگيل‌!" دييدي‌لر

 

بير آط‌ينگ‌ آردينه‌ مني‌ بردي‌لر

سيرانده‌ شول‌ جايه‌ باريپ‌ دوردي‌لر

تمام‌ اوتوردي‌لر مجلس‌ قوردي‌لر

"اوغلان‌ - مانگا - آرا گيرگيل‌!" دييدي‌لر

 

"علي‌ دير" دييدي‌لر، توتدي‌ دستيمدن

بوريا دوشاگيمي‌ آلدي‌ آستيمدان‌

من‌ بيلمه‌ديم‌ بير زاد قويدي‌ اوستيمدن

"يوليغان‌ دوران‌ دير، سورگيل‌!" دييدي‌لر

 

حيدردان‌ سوراديم‌ بارچه‌ آد به‌ - آد

"حضرت‌ پيغمبر اول‌ دير، بولمه‌ ياد

اول‌ سليم‌ خوجه‌دير، اول‌ بابا ذريات

اول‌ ويس‌ القرني‌ دير، بيلگيل‌!" دييدي‌لر

 

"اول‌ بهاالدين‌ دير، اول‌-دا بير ار دير

اول‌ زنگي‌ بابا دير اول‌ نامدار دير

اول‌ سويانشيپ‌ دوران‌ دورت‌ چهاريار دير

مقصدينگ‌ نه‌ بولسه‌ سورغيل‌!" دييدي‌لر

 

شول‌ وقت‌ده‌ بير ايكي‌ دوران‌ شيخ‌ شاب‌

"بو اوغلانه‌ پاتا برينگ‌ ـ دييدي‌ ـ صاب‌

يوز ييگريمي‌ دورت‌ مونگ‌ انبيا، اصحاب

باريسي‌ شولاردير، بيلگيل‌!" دييدي‌لر

 

رسول‌ الله‌ آيتدي‌: "يا، شاه‌ مردان

ايا، سليم‌ خوجه‌، يا، بابا سلمان‌

ابوبكر صديق‌ يا عمر - عثمان‌

بو قولونگ‌ مقصدين‌ برگيل‌!" دييدي‌لر

 

سليم‌، بابا سلمان‌ بويوردي‌ مرده

پياله‌ني‌ توتوپ‌، سالدي‌لار درده‌

گيتدي‌ عقل‌ و هوشوم‌، ياتديم‌ شول‌ يرده

"عرشده‌، فرشده‌ نه‌ بار، گورگيل‌!" دييدي‌لر

 

يل‌ بولدوم‌، يوگورديم‌ يرينگ‌ دامارينه

نظ‌ريم‌ توقوندي‌ عرشينگ‌ كمرينه‌

"جبروت‌ عالمينده‌ جليل‌ سرينه‌

گليپ‌، اوزونگ‌ قاراپ‌ گورگيل‌!" دييدي‌لر

 

ناگه‌ خيال‌ اتسم‌، اله‌ گتيرديم

قايده‌ باقسام‌، اونگا نظ‌ر يتيرديم‌

بو حال‌ ايله‌ من‌ فراغت‌ ياتيرديم‌

يوزومه‌ تويكوريب‌: "تور، قول‌" دييدي‌لر

 

رسول‌ الله‌ آيتدي‌: "اصحاب‌لار، يورونگ

اوغلاني‌ اوزادينگ‌، بير پاتا برينگ‌

بويوردي‌ دورت‌ آط‌لا، ــ التيب‌ تابشيرينگ

گتيرگن‌ جايينگدا قويغول‌!" دييدي‌لر

 

توروپ‌، مختومقلي‌ گوزون‌ آچيپ‌ دير

سرينه‌ نه‌ كوي‌لر گليپ‌ گچيپ‌ دير

اسريك‌ نر دك‌ آق‌ كوپوك‌لر ساچيپ‌ دير

"اوغلان‌، الله‌ يارينگ‌، بارغيل‌!" دييدي‌لر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی