تكيزبولار،يارانلار


بيان‌ اتسم‌ قيامتينگ‌ وصفيني‌

داغ‌ و داشلار تكيز بولار يارانلار

اول‌ باشي‌، بو باشي‌ مونگ‌ ييلليق‌ دنيا

مثلي‌ اوي‌ كيبي‌ دار بولار، يارانلار

 

گوونوم‌ انديشه‌ده‌ خونابه‌ يووتما

گيجه‌ده‌، گونديزده‌ خداني‌ اونوتما

وفاسي‌ يوق‌، موني‌ اخلاصلي‌ توتما

اصلي‌ مونونگ‌ بيوفادير، يارانلار

 

عالم‌ ارميش‌ عالم‌لارينگ‌ سلط‌اني‌

كيم‌ موندا عزتلاپ‌ توتسا ملا ني‌

ايش‌ باشيندا آيتسا كيم‌ بسم‌ الله‌ني‌

قيامتدا قولون‌ توتار، يارانلار

 

راست‌ بنده‌سي‌ سحر توروپ‌ حقلاغان‌

گون‌ چيقماغينچا ياتيپ‌ خدا يوقلاغان‌

تانگري‌نينگ‌ دوشماني‌ كينه‌ ساقلاغان‌

آنينگ‌ جايي‌ جهنم‌دير، يارانلار

 

اون‌، اون‌ ايكيدن‌ قويان‌ سودخورلار

اوتدان‌ بوغرا ساليپ‌، قولون‌ تورلارلار

عرصات‌ جاييندا آني‌ خورلارلار

سودخور باشي‌ بيلن‌ يورير يارانلار

 

سودخورلارينگ‌ ايكي‌ گوزون‌ اويارلار

آغزين‌ آچيپ‌، قور قورشونلار قويارلار

حلال‌ دييپ‌ اوني‌ اون‌ بيردن‌ قويانلار

آندان‌ يوقاريسي‌ حرام‌، يارانلار

 

بير قيسيم‌ توپراقدان‌ آدم‌ يارادار

قايغيني‌ كوپ‌ چكمانگ‌،محنتينگ‌آرتار

بارچا بنده‌ بير دابان‌ يرده‌ ياتار

گورمه‌گن‌ غيبتني‌ آيتمانگ‌، يارانلار

 

حق‌ ساقلاغان‌ يومورتغا باسان‌ آياقدان‌

چارشنبه‌ گون‌ تيغ‌ دگيرگن‌ ديرناقدان‌

شوغول‌ بولوپ‌، قاپي‌ آنگتان‌ قولاقدان‌

آلار بيلن‌ زينهار يورمانگ‌، يارانلار

 

نيچه‌لر قان‌ ييغلاپ‌ بولارلار شيدا

آتا، انه‌، آغا، ايني‌ بي‌پروا

قيامتليق‌ اوقوشان‌ تاپارلار پيدا

جانينگا دلالت‌ بولار، يارانلار

 

آيدي‌ برسم‌، ادا بولماز بو دردلر

سليمانينگ‌ ايلچيسي‌دير كبوتر

آتا-انه‌سين‌ آغيردان‌ فرزندلر

تانگلا اولار ديدار گورمز، يارانلار

 

منينگ‌ بو سوزومني‌ اشيتگن‌ حيران‌

ذريات‌سيز كيشي‌نينگ‌ سونگودير ويران‌

غيبتكش‌ بنداگه‌ عذاب‌ كوپ‌ چندان‌

گورجك‌ ايشلري‌ ظ‌لم‌ بولار، يارانلار

 

بنده‌لر صراط‌دا ايلارلر پشمان

‌بي‌نمازلار قالماز، دوزخدان‌ آمان‌

كيمينگ‌ نسلينده‌ بولسا قرآن‌خوان‌

بارچا مشكل‌ آسان‌ بولار، يارانلار

 

مختومقلي‌ نچيك‌ گچگه‌ي‌ بو حاللار

بي‌نماز يولداشي‌ ييلان‌، ايچيانلار

اوچ‌مونگ‌ ييل‌ صراط‌دير،اوزاقديريوللار

اون‌ باش‌ مونگ‌ ييلدا صاف‌ بولار،يارانلار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی