تاپماس‌سن‌


نيچه‌ ايشي‌ عقل‌ بيلن‌ جمع‌ اتسنگ‌

فلك‌ چاشار، بير گون‌ حساب‌ تاپماس‌ سن‌

بو جان‌ ساغليغيندا خير قازانغيل‌

ير آستينه‌ گيرسنگ‌، ثواب‌ تاپماس‌ سن‌

 

موندا نه‌ ايش‌ اتسنگ‌، آندا سوراغلي‌

سن‌ هم‌ ياغشيلاردان‌ آلاور يولي‌

حالي‌ هم‌ بير پله‌، اي‌ آدام‌ اوغلي‌

عالم‌لار كملسه‌، ادب‌ تاپماس‌ سن‌

 

ييگريمي‌ ياشيندا ارينگ‌ نه‌ غمي‌

ييقار داغي‌، داشي‌ اريدر دمي‌

بير گون‌ اوتر ييگيت‌ليگينگ‌ موسمي‌

ييغلاب‌-ييغلاب‌ گلسنگ‌، جواب‌ تاپماس‌ سن‌

 

ييگيت‌ بولسانگ‌، گزگيل‌ ياغشي‌ آد بيلن‌

بدو مونوب‌، گزگيل‌ پريزاد بيلن‌

عمرينگني‌ اوتورگيل‌ جماعت‌ بيلن‌

مسجدي‌ ييقيلسا، محراب‌ تاپماس‌ سن‌

 

مختومقلي‌، گورونگ‌ نيچيك‌ خوش‌اولدي‌

سحر وقتي‌ ارن‌لره‌ دوش‌ اولدي‌

بير كاسه‌ مي‌ ايچيپ‌، جانا نوش‌ اولدي‌

هر گون‌ كاسه‌ دولي‌ شراب‌ تاپماس‌ سن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی