جوشي‌يانديرار


وقت‌ اولار كه‌، بير يل‌ دوشر سريمه‌

خيال‌ هجوم‌ ايلاپ‌، جوشي‌ يانديرار

يوره‌گيم‌ جوش‌ برسه‌، عقليم‌ جم‌ بولار

فكر باسار، قايغي‌ هوشي‌ يانديرار

 

سحر وقتي‌ درويش‌ ناليشا گلسه‌

بيليندن‌ يوپ‌ آليپ‌، بوينونا سالسا

تانگري‌ سوين‌ بنده‌ بد دعا قيلسا

فلكي‌ تيتره‌در، عرشي‌ يانديرار

 

آقماق‌ اوزون‌ عاقل‌ بيلن‌ دنگ‌ ايلار

بير ايش‌ توتار،سونگراسيندان‌ آنگ‌ ايلار

ذهنينگ‌ كاييدر، عقلينگ‌ تنگ‌ ايلار

دييديگينگ‌ ايله‌مز، باشي‌ يانديرار

 

حق‌ سويوپدير علي‌ ديين‌ ولي‌سين‌

قديم‌ سددير عزت‌ اتمك‌ اولي‌سين‌

يتميش‌ ايكي‌ ملت‌ گومر اولي‌سين‌

سگ‌پرست‌ ملتي‌ لاشي‌ يانديرار

 

مختومقلي‌، حقدان‌ پياله‌ چكسه‌

پياله‌ جوش‌ بريپ‌، خيالا چكسه‌

عاشق‌لار باغريندان‌ بير نالا چكسه‌

داغي‌ النديرر، داشي‌ يانديرار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی