جانينادگمز


اي‌ يارانلار، بير بي‌غيرات‌ ييگيدينگ‌

مونگ‌ يامان‌ سوز آيتسانگ‌، جانينا دگمز

زينهار، دوشمانگ‌ نامردلارينگ‌ قولونا

گر اولدورسنگ‌، ناحق‌ قانينا دگمز

 

سوز بيلمه‌سنگ‌، بيله‌نينگي‌ آيتماسانگ‌

سوز سوزله‌ييپ‌، سوز اصلينا يتمه‌سنگ‌

ياي‌ چكنده‌، دوغري‌ قاراپ‌ آتماسانگ‌

اول‌ اوقونگ‌ نشانانگ‌ يانينا دگمز

 

مختومقلي‌، سوزونگ‌ بيله‌نه‌ سوزدير

بيلمه‌گن‌ آداما قوري‌ آوازدير

گوزل‌ بار، مونگ‌ تومن‌ اييديرسنگ‌آزدير

گوزل‌ باردير، ايين‌ نانينا دگمز

 112جانلارآندادور

 

اي‌ يارانلار، غافل‌ اولمانگ‌ جانا - جانلار آندادور

آوي‌ زهر و شهد و شكر، ط‌رفه‌ بال‌لار آندادور

اول‌ ياويز محشر، مسلط‌ قالماغال‌لار آندادور

اول‌ ياويز آه‌ و ندامت‌ قيل‌ و قال‌لار آندادور

ط‌رفه‌ بگ‌لر، ط‌رفه‌ خانلار، ط‌رفه‌ ايل‌لر آندادور

 

هر كيم‌ اوز حالينا آغلار، نه‌ آتا اوغلا باقار

كوكره‌ييپ‌ هم‌ تيتره‌ييپ‌ قهري‌ غضب‌ بيرله‌ سقر

چوخ‌ ييلانلار خاشلاشيپ‌، بوغره‌ صفت‌ موي‌لرچاقار

روزه‌ توتماز بنده‌لرني‌، حق‌ جهنمده‌ ياقار

صورتي‌ خنزير صفت‌لي‌ نقش‌ بدنلر آندادور

 

هر كيم‌ ظ‌لم‌ ايله‌سه‌، حق‌ دوزخينگ‌ اودون‌ ساچار

هر كيمه‌ لط‌ف‌ ايله‌سه‌، جرم‌ و گناه‌سين‌ اول‌ گچر

عاصي‌ دال‌ قوللار صراط‌دان‌ ييلديريم‌ يل‌دك‌ گچر

كيمسه‌ بيرييل‌ كيمسه‌يوزييل‌ كيمسه‌ مونگ‌ييلدا گچر

بيك‌ داغلار، اوزاق‌ يوللار، سوسيز چول‌لر، آندادور

 

تانگلا اول‌ توفيق‌لي‌ قوللار مرشدينه‌ دالدا دير

هر كيشي‌ احسان‌ ادر، احساني‌ آنينگ‌ آلدا دير

كيمي‌ شاددا، كيمي‌ غمگين‌، هر كيشي‌ بير حالدا دير

مال‌ و دنيا اسسي‌ برمز، بازيگر دير، آلدا دير

اول‌ ايرلنميش‌ براغ‌لار، حله‌ دونلار آندادير

 

روسياه‌ مختومقلي‌ ساقي‌ اجل‌ ايچسنگ‌ گرك‌

مالي‌ ملكي‌ دولتينگدن‌ بارچه‌دان‌ گچسنگ‌ گرك‌

تاييبان‌ قيل‌ كوفري‌سيندن‌ زاويه‌ اوچسانگ‌ گرك‌

نيچه‌ غيبت‌، نيچه‌ يالغان‌ سوزلري‌ آچسانگ‌ گرك‌

اول‌ قيليچدان‌ ييتي‌ قيلدان‌ اينچه‌ يوللار آندادير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی