جان‌اگلنمز


اي‌ يارانلار، مسلمانلار

امانت‌ دير، جان‌ اگلنمز

ساغليغا يوقدور اعتبار

توت‌ مثال‌، ميهمان‌ اگلنمز

 

كيمسه‌ سحر تورار ايردن‌

كيمسه‌ باش‌ گوترمز يردن‌

شيدا ديللي‌ گوزل‌لردن‌

ديش‌ گيدر، زبان‌ اگلنمز

 

بلند داغدان‌ هايبات‌ گيدر

يرلردن‌ بركت‌ گيدر

روم‌ شهريندن‌ قووات‌ گيدر

اوستادا دكان‌ اگلنمز

 

عزراييل‌ يول‌ آچار بير گون‌

جان‌ شربت‌دن‌ ايچر بير گون‌

اردن‌ دوران‌ گچر بير گون‌

آط‌ اولر، ميدان‌ اگلنمز

 

شريعت‌دن‌ انزال‌ اولمانگ‌

حق‌ ايشينه‌ بنديل‌ اولمانگ‌

آدم‌ اوغلي‌، غافل‌ اولمانگ‌

گوچ‌ گيدر، كرون‌ اگلنمز

 

بي‌نماز، اوغرار سن‌ غمه‌

آندا دادينگ‌ يتر كيمه‌

موندا زور برسنگ‌ چيليمه‌

جسدده‌ ايمان‌ اگلنمز

 

مختومقلي‌، بودور اقرار

حق‌ يولوندا دوران‌ چين‌ ار

كيمسانگ‌ ايزيندا اوغول‌ بار

كيمسه‌ده‌ نشان‌ اگلنمز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی