جهان سندن بی خبر


سن سن آرایشِ جان، بو جان سندن بی خبر

سن جهانا دولی سن، جهان سندن بی خبر

اندیشه دریا سیندا سیریم سفینه سینی


یوز طرفغا یوزدوردیم، سیران سندن بی خبر


گر دییسه لر کُفر اوْلار، اشیا سندن خالی دیر

منزل سندن مستغرق، مکان سندن بی خبر


زمین، آسمان، غرب وشرق، پرتوینگده گردان دیر

زمانینا سن گردان، زمان سندن بی خبر


ایستأر سنی دنگیزلر، یایقانیشیپ شوقینگدان

سن اولار ایچره معلوم، عُمَان سندن بی خبر


زمین تیلأر آسماندا، آسمان تیلأر زمینده

بیر – بیرینه گمانده، گُمان سندن بی خبر


مختومقلی، گؤز ایندی، اشیالار نه ایشده دیر

یوْق ایمیش یو اشیاده، همان سندن بی خبر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی