جوش‌گلسه‌


دنياده‌ نيچه‌ ايش‌ باردير، يامان‌ دير

بيري‌ اولدور، يرسيز قهري‌ جوش‌ گلسه‌

عاشقه‌ هر گوني‌ آخرزمان‌ دير

ياردان‌ ايراق‌ دوشوپ‌، آرا داش‌ گلسه‌

 

دوستونگي‌ اگله‌مه‌، نپ‌دن‌ قالماسين‌

دوشمانينگ‌ ساقلاما، سيرينگ‌ بيلمه‌سين‌

آچدا آلغينگ‌، بگه‌ برگينگ‌ بولماسين‌

ايش‌ مشكل‌ دير، آنگلامازا دوش‌ گلسه‌

 

زمين‌ سني‌ هالي‌ - هالي‌ يوتار مي‌

عاقل‌ بولان‌ موندا بي‌غم‌ ياتار مي‌

هيچ‌ بير مسخره‌ليق‌ موندان‌ اوتر مي‌

گيدن‌ قوري‌ گيتسه‌ گلن‌ بوش‌ گلسه‌

 

اون‌ قات‌ اويونگ‌ بولسا دمير قالادان‌

اجل‌ تافار امر بولسا الله‌دان‌

حقيقي‌ ار يوز دوندرمز بلادان‌

حق‌ رضاسي‌ بيلن‌ باشا داش‌ گلسه‌

 

عارف‌ من‌ دييپ‌، لاف‌ اورارلار يالاندان‌

بلليسي‌ني‌ آيدارسورسانگ‌ بيلندن‌

ايل‌ گوزونگچه‌ يوز ييل‌ ط‌اعت‌ قيلاندان‌

ياغشي‌ دور بير سحر گوزدن‌ ياش‌ گلسه‌

 

بايلار باغلاپ‌ سخاوتينگ‌ قاپي‌سين‌

كوپلدر تاموغينگ‌ مويون‌ - آپي‌سين‌

گورونگ‌ بو ايامينگ‌ پيرين‌، صوفي‌سين‌

دالنامايين‌، تيقار اوتير آش‌ گلسه‌

 

مختومقلي‌، سويله‌ عقلينگ‌ يتينچا

آخرتينگ‌ قازان‌ بيكار ياتينچا

تاموغدا دير تا دنيادن‌ اوتينچا

يامان‌ خاتين‌ ياغشي‌ اره‌ دوش‌ گلسه‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی