جوشان‌گونلر،هي


بيلمه‌ديم‌، ييقيلديم‌، توردوم‌ يريمدن‌

سريمه‌ كوي‌ گليپ‌، جوشان‌ گونلر، هي‌!

عقل‌-فكريم‌ توردي‌ يرلي‌ يريندن‌

سريمدن‌ آغيبان‌ آشان‌ گونلر، هي‌!

 

قوللوق‌ ايلاپ‌ قايم‌ خذمتده‌ دوردي‌

ملك‌لر سرينده‌ آنگا ير بردي‌

آدم‌ سجده‌سينده‌ تكبر اوردي‌

عزازيل‌غا ط‌وقي‌ دوشن‌ گونلر، هي‌!

 

امت‌ پيغمر اويدي‌ قرآنه‌

حبيبيم‌ نور سالدي‌ عالم‌- جهانا

براغ‌ آط‌ي‌ مونوپ‌، قالدي‌ آسمانه‌

رف‌رف‌ مونوپ‌، معراج‌ آشان‌ گونلر، هي‌!

 

غريبام‌، عاشقام‌، مصاحب‌ دردم‌

اوته‌ني‌ ياد اديپ‌، ييغلارام‌ هر دم‌

اوچماخ‌ آرمانيندا آتاميز آدم‌

حوو انه‌ ديير: "شيط‌ان‌ دوشان‌ گونلر، هي‌!"

 

يدي‌ گونده‌ حقدان‌ اولوش‌ آلديلار

ابراهيم‌ پيغمبر بولوپ‌ گلديلر

منجنيقه‌ باغلاپ‌، ناره‌ سالديلار

ابراهيم‌ ديير: "اوده‌ دوشن‌ گونلر، هي‌!"

 

جايسيز جبري‌ كوپدور كونه‌ جهانينگ‌

حق‌ عشقينه‌ صرف‌ ات‌ بولدوقچا مالينگ‌

احد اوروشينده‌ اول‌ مصط‌في‌نينگ‌

ايكي‌ ديشي‌ شهيد دوشن‌ گونلر، هي‌!

 

كافرلار قصد اتدي‌ رسول‌ جانينا

رسول‌ دعا قيلدي‌ دنيا مالينه‌

داغلاردان‌ ايكي‌ داغ‌ رسول‌ آلينه‌

آلتين‌-كوموش‌ بولوپ‌، سويشن‌ گونلر،هي‌!

 

يوسف‌ ـ صاحب‌ جمال‌ يعقوب‌ اوغلونده‌

عاجز قالدي‌ قارداش‌-دوغان‌ الينده‌

قارداشلاري‌ آزيپ‌ شيط‌ان‌ يولوندا

يوسف‌ ديير: "زندانه‌ دوشن‌ گونلر، هي‌!"

 

مختومقلي‌، درده‌ قالديم‌ تيليمدن‌

گلديگينه‌ مقدار يازديم‌ اليمدن‌

حضرت‌ پيغمبر توتوپ‌ قولومدان‌

صحابه‌لار بيلن‌ قاوشان‌ گونلر، هي‌!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی