چيليم



دوستلاريم‌، دوشمان‌ بيلينگ‌، عالمده‌ بير باردير چيليم‌
ايله‌ محبوب‌ ايله‌مانگ‌، بير غارت‌ جان‌دير چيليم‌
سوزلابان‌ حالي‌ دمي‌ بير آپي‌ ماردير چيليم‌
تارتار اوزين‌ قيديغه‌، گويا كي‌ زنگاردير چيليم‌
قايدا بولسا دوزخي‌لار، بزميده‌ باردير چيليم‌
 
توشگاچ‌ اول‌ مجلس‌ ارا، هر كيم‌ چكر، بيمار ادر
آل‌ بيلن‌ آلداپ‌ سني‌ هر دم‌ اوزيگه‌ زار ادر
ساغ‌-سلامت‌ قويمايين‌ ايمدي‌ اوزيگه‌ عار ادر
قول‌-آياغين‌ شل‌ قيليپ‌، خلق‌ ايچره‌ آني‌ خوار ادر
بو صفت‌لار بيرله‌ اول‌،چكمانگ‌كي‌،بدكارديرچيليم‌
 
قهقه‌ ايلاپ‌ هر زمان‌ اول‌، گورسه‌تر بد خويوني‌
بورنونينگيزغا ايسغاييپ‌، آلمانگ‌ اوشول‌ بد بويوني‌
اي‌ مسلمانلار، حلال‌ ديييپ‌، قيلمانگيز هيچ‌ اويوني‌
آخرت‌نينگ‌ اويون‌ اتسنگ‌، تيز قويونگ‌ بو اويوني‌
آخرت‌نينگ‌ اويون‌ اتمس‌لرگه‌ دركاردير چيليم‌
 
هر كيشي‌ خوش‌ حال‌ اولوپدير، جيم‌ و لام‌، ميم‌ آتيغا
نيگه‌ فكر اتمس‌ اوشول‌ كيم‌ بو پليدنينگ‌ ذاتيغا
موندورر گويا آني‌ هر دم‌ شياط‌ين‌ آط‌يغا
سحر اديپ‌ هر دم‌ آني‌، تارتار اوزونينگ‌ قاتيغا
چونكي‌ بدكارلر گوزيگه‌ دايما باردير چيليم‌
 
غلغل‌ ايلاپ‌ هر سحر اول‌، آغزيندان‌ اوتلار ساچار
هر كيشي‌ عاقل‌ دورار كيم‌، بيله‌ بد بوي‌دان‌ قاچار
كيم‌ آني‌ الگه‌ آلار، گووسون‌ آنينگ‌ ساري‌ آچار
اعتقاد اتسه‌ حلال‌ دييپ‌، دين‌ اسلامدان‌ گچر
دين‌ اسلامدان‌ گچرگه‌ بير سبب‌كاردير چيليم‌
 
شيله‌ دوشماندير كي‌، تانگلا سيرينگيز فاش‌ ايله‌يير
وقتي‌ يتمز سولدوريپ‌، بو جسمينگيز لاش‌ ايله‌يير
قايغي‌ حسرت‌ يوق‌ اكن‌ده‌ چشمينگيز ياش‌ ايله‌يير
هر زمان‌ دود يووتديريپ‌، هم‌ اويكنگيز داش‌ ايله‌يير
باري‌ غافل‌ اولمانگيزلار شيله‌ بدكاردير چيليم‌
 
اي‌ يارانلار، نهي‌ قيلميش‌ دير آني‌ بيزگه‌ احد
فكر اديپ‌، ذكر ايله‌دي‌ كيم‌، خلق‌ ارا عبدالصمد
تبديل‌ اتمك‌، نهي‌ قيلماق‌ ايشيني‌ بيزگه‌ نه‌ حد
كيم‌ كي‌ منكر بولسا، آنينگ‌ آلديدا باردير لحد
آيدادير مختومقلي‌، بو بنداگه‌ ناردير چيليم‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی