چيقابيلمزسن‌



بو دنيانينگ‌ غوغاسينا باش‌ اورما
اول‌ غوغايا گيرسنگ‌، چيقا بيلمز سن‌!
ملعون‌ شيط‌ان‌ كيمين‌ بزاپ‌، داش‌ اورمه‌
سونگرا محكم‌ بولار، ييقا بيلمز سن‌!
 
تيلينده‌ اووورميش‌ حقي‌ ثناني‌
آغيرتماغيل‌ آتا بيرله‌ اناني‌
داغلاردان‌ داشلاردان‌ اولي‌ گناني‌
آغيردير گناهينگ‌، چكه‌ بيلمز سن‌!
 
قارنينگي‌ دولدورما حرام‌ نعمتدان‌
تيلينگي‌ ساقلاغيل‌ دورلي‌ غيبتدان‌
عالم‌لارا قيلما ياويز تهمتدن‌
قارنينگ‌ اوتدان‌ دولار، دوكه‌ بيلمز سن‌!
 
درويشلرينگ‌ باشلاريني‌ خوار اتمه‌
اگسيكلرينگ‌ ييغلاديبان‌ زار اتمه‌
يتيملرينگ‌ مالين‌ آليپ‌، زور اتمه‌
گنانگي‌ غيريغا داقا بيلمز سن‌!
 
عشق‌ درياسي‌ جوشار گلر ساقادان‌
كونگول‌ ساقلاغيل‌ يالان‌ واقادان‌
اجل‌ گلر، توتار بير گون‌ ياقانگدان‌
ساغينگا، سولونگا باقا بيلمز سن‌!
 
ياغشي‌ نيت‌ ايله‌، ياغشي‌ پيش‌ ايله‌
ياغشيلارينگ‌ سوزون‌ جانا نوش‌ ايله‌
سفر قيلسانگ‌، آزيق‌ گرك‌، دوش‌ ايله‌
ير آستيندا اكين‌ اكه‌ بيلمز سن‌!
 
مسكين‌ مختومقلي‌، ياقانگ‌ توتاور
خير ايله‌ييپ‌، آل‌ شرابدان‌ يوتاور
امت‌ بولسانگ‌، بيروبارا بيته‌ور
رسولينگ‌ يوزونه‌ باقا بيلمز سن‌!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی