چالدي‌گيتدي



بو دنيا بازيگر دير
بازيسين‌ چالدي‌ گيتدي‌
گمراه‌ اديپ‌ نيچاني‌
يولداش‌ دييپ‌ آلدي‌ گيتدي‌
 
عقل‌، فكر ات‌ هر قاچان‌
يوز قونان‌ بار، يوز گوچن‌
تختي‌ آسماندان‌ اوچان‌
سليمان‌ اولدي‌ گيتدي‌
 
يا مروت‌لي‌ شاهيم‌
اوميديم‌، قبله‌گاهيم‌
مونچا ييغناپ‌ ابراهيم‌
ناماني‌ آلدي‌ گيتدي‌
 
جگرين‌ داغلاي‌ - داغلاي‌
زنارين‌ باغلاي‌ - باغلاي‌
نيچه‌لر آغلاي‌ - آغلاي‌
نيچه‌لر گولدي‌ گيتدي‌
 
نيچه‌لر گوله‌ دونميش‌
گل‌ يانيپ‌، كوله‌ دونميش‌
نيچه‌لر قوما دونميش‌
نيچه‌لر سولدي‌ گيتدي‌
 
قالار سن‌ گورده‌ باغلي‌
بللي‌ بير يوردا باغلي‌
بيهوده‌، آدم‌ اوغلي‌
ييغنانينگ‌ قالدي‌ گيتدي‌
 
آقماق‌ليق‌ بيلن‌ اوزوم‌
بيلمه‌ديم‌ سوزلان‌ سوزوم‌
مختومقلي‌ ديير، گوزوم‌
قان‌ ياشا دولدي‌ گيتدي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی