حيراندادير- حيراندا



عاشقلار حق‌ عشقينده
 حيرانــــدادير - حــيراندا
گوزلر ضعيـــف‌ ايزينـــــدا
  گريانــــدادير - گـريـانـدا

قيلدي‌ آنگا حق‌ رحمت‌
نـــــور تجـــلي‌ قــــدرت‌
خرقه‌ گين‌ خواجه‌ احمد
 سيراندادير - ســــيراندا
 
يردن‌ چيـــــقان‌ آغاچ‌لار
  تيلي‌ ثنالي‌ قــــوش‌لار
سبحان‌ سوين‌ درويش‌لر
دوراندادير - دورانــــــــدا

آييل‌، عاشقيم‌، آييــــل‌  
 مجنون‌ بول‌، خلقا ياييل‌
خليل‌ اوغلي‌ اسماعيل‌
قرباندادير - قربانـــــــدا

 ط‌ور داغيندا دورانـــــلار
 نيچه‌ غايـــــب‌ ارن‌لـــــر
جمالينگ‌ني‌ گورنــــــلر
 فرماندادير - فرمانـــــدا
 
دولدوران‌ بــو دنـــــياني‌
سوزلان‌ هر دو جهاني‌
كل‌ ايشينگ‌ بيانــــــي‌
 قرآنداديــــر- قرآنــــــــدا

مختومقلي‌،آچ‌ ديــــل‌لر
 قوللوق‌ قيل‌ آيلار، ييل‌لار
ارته‌ قوللوق‌سيز قول‌لار
 آرماندادير- آرمانـــــــدا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی