حق‌منزل‌اتدي‌جانا



يوق‌ يردن‌ صورت‌ ايلاپ‌
 حق‌ منزل‌ اتدي‌ جانا
دوقوز آيلاپ‌ اوتوردينگ‌
 اينيپ‌ گلدينگ‌ جهانا
 
داياسينا موندوردي‌ 
 غوچدي‌، بوينون‌ سويندوردي‌
سويوپ‌، مهرين‌ ايندردي‌
غريب‌ آتا، شوم‌ انه‌
 
حريص‌ نفسينگ‌ اوتدورمز
 قاچار دنيا، يتديرمز
عمرونگ‌ اوتر، توتدورماز
 بو بازيگر زمانا
 
عشقيمينگ‌ يلي‌ جوشار
 عقليم‌ دوماني‌ چاشار
سوز باردير، حددن‌ آشار
 گيتسنگ‌ موندان‌ بو يانا
 
نيچه‌ جهان‌ يايلار من‌ 
 بو جهاني‌ نيلار من‌
عيبلاشمانگ‌، سويلار من‌
 هر سوز گلسه‌ زبانا!
 
مختومقلي‌، يا جبار 
 اوزونگ‌ بولغول‌ مددكار
كونه‌ عشقا تازه‌ يار
دردين‌ قيلدينگ‌ بهانا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی