"اويان‌" دييديلر


ياتيپ‌ ارديم‌ غمدا، گلدي‌ ارنلر

"تورغول‌ ها يرينگدن‌، اويان‌ دييديلر"

گوزوم‌ آچيپ‌ گوردوم‌ جمله‌ جهاني‌

"شول‌ دوراندا شاهمردان‌" دييديلر
 

ارنلر جمع‌ بولوپ‌، بازار اتديلر

منافقلار توروپ‌، حذر اتديلر

علي‌ بابام‌ بيزه‌ نظ‌ر اتديلر

بير كاسه‌ مي‌ بريپ‌: "ايچ‌ قان‌!" دييديلر
 

اويانيپ‌ غفلتدان‌، آچديم‌ گوزوم‌ني‌

ارنلر پايينا سورتدوم‌ يوزومني‌

اوقاتديلار، حق‌ سوزله‌ديم‌ سوزومني‌

"سگسن‌ مونگ‌ كلامي‌ بيان‌" دييديلر

 
ارن‌لر جمع‌ بولوپ‌، موندان‌ گوچدولر

صراط‌ كوپروسيندن‌ بير-بير گچديلر

اول‌ حوض‌ كوثردن‌ شراب‌ ايچديلر

ايچن‌ شاهبازلارني‌ "سلط‌ان‌" دييديلر
 

مختومقلي‌، سوزله‌ بو شيرين‌ تيلده

اميديم‌ كوپ‌ دورور شول‌ دوران‌ يولدا

باش‌ وقت‌ نمازينگ‌ اوقي‌ هر گونده‌

"آخرت‌ يولداشينگ‌ ـ ايمان‌" دييديلر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی