اوتور-توروشين‌گورونگ‌


هر ييگيدينگ‌ اصلين‌ بيلاي‌ دييسه‌نگيز

معركه‌ده‌ اوتور-توروشين‌ گورونگ‌

بيرو بيلن‌ آشنا بولاي‌ دييسه‌نگيز

اول‌ اقرارينده‌ دوروشين‌ گورونگ‌

 

اوزاق‌ يولا گيديپ‌ گلر بولسانگيز

مردانه‌ليق‌ قيلجين‌ چالار بولسانگيز

بير بدوي‌ سايلاپ‌ آلار بولاسانگيز

سينه‌سين‌، ساغري‌سين‌،گريشين‌ گورونگ‌

 

بير پول‌ دوشسه‌ بير مفلسينگ‌ قولونا

گووسين‌ آچيپ‌ گزر قيشينگ‌ يلينه‌

خريدار بولسانگيز قيزا، گلينه‌

ادبين‌، اكرامين‌، اوتورشين‌ گورونگ‌

 

قوچ‌ ييگيدينگ‌ آط‌-ياراغي‌ شاي‌ بولسا

يتيشر هر يرده‌-هاي‌داهاي‌ بولسا

اوزي‌ حاتم‌ بولوپ‌، ينه‌ باي‌ بولسا

چار ط‌رفدان‌ ميهمان‌ گليشين‌ گورونگ‌

 

بير نيچاني‌ قيلدينگ‌ مالي‌-بسياري‌

بير نيچاني‌ قيلدينگ‌ بير پولونگ‌ زاري‌

ياغشي‌-يامان‌، بارچا آدامينگ‌ باري‌

نوبات‌ بيله‌ اوتوب‌ باريشين‌ گورونگ‌

 

تانگري‌ بيزار ارر زكات‌سيز باي‌دان‌

زينهار سيز هم‌ قاچينگ‌ اول‌ گلن‌ جاي‌دان‌

مرده‌ هر ايش‌ دوشسه‌، گورر خداي‌دان‌

نامردينگ‌ همراه‌دان‌ گوروشين‌ گورونگ‌

 

نامرد يورر مدام‌ اولومدن‌ قاچيپ‌

اويونه‌ گلنده‌، زهرين‌ ساچيپ‌

مرد ييگيت‌ اولومه‌ سينه‌سين‌ آچيپ‌

ميداندا ترس‌ سووش‌ قوروشين‌گورونگ‌

 

ظ‌الم‌لار اونودار ذكر الله‌ني‌

آرزان‌ آليپ‌، قيمات‌ ساتار غله‌ني‌

سودخور ناانصاف‌لار حلال‌ ط‌لا ني‌

حرام‌ پيداسينا بريشين‌ گورونگ‌

 

شيط‌ان‌ ملعون‌ هرگز ط‌اعت‌ اتديرمز

حرامدان‌ قايتارماز، حلال‌ يوتدورماز

نمازه‌ اويدورماز، روزه‌ توتدورماز

لعنتي‌ شيط‌انينگ‌ تلاشين‌ گورونگ‌

 

قوچ‌ييگيدينگ‌ ايشي‌صحبت‌-سازبولار

كونگلي‌ قيش‌ بولمايين‌، دايم‌ ياز بولار

ياغشي‌نينگ‌ كونگلونده‌ كينه‌ آز بولار

يامانينگ‌ هر گونده‌ اوروشين‌ گورونگ‌

 

قدردان‌ قارداشدان‌ اوزاق‌، داش‌ بولوپ‌

قدرسيز ياد بيله‌ قارينداش‌ بولوپ‌

مختومقلي‌، ناسازلارا دوش‌ بولوپ‌

خوجانينگ‌، سيدينگ‌ يوريشين‌گورونگ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی