اليپ‌قدينگ‌دال‌اولار


آدم‌ اوغلي‌، بو دنياده‌ گزر سن‌

بير گون‌ سنينگ‌ اليپ‌ قدينگ‌ دال‌ اولار

غافل‌ بولما، دوغري‌ يولدان‌ آزار سن‌

بلبل‌ كيبي‌ سايران‌ تيلينگ‌ لال‌ اولار

 

آخرزمان‌ اولسا، فتنه‌لر تورسا

ظ‌الم‌لار يامانليق‌ مجلسين‌ قورسا

پادشاه‌لار رشوت‌ ديييپ‌ دم‌ اورسا

فقيرلارا گون‌ نفقه‌ حال‌ اولار

 

ياغشي‌ يامان‌، عزت‌ قيلار بايلارا

فقير و بينوا قالار وايلارا

هر ييگيت‌ كيم‌، غريب‌ دوشسه‌ جايلارا

حسرت‌ چكر، هر بير ماهي‌ سال‌ اولار

 

هر كيمسه‌ شريعت‌ يولون‌ بيلمه‌سه‌

عالم‌لارينگ‌ سوزون‌ گوزه‌ آلماسا

قيرق‌ ياشيندا كيشي‌ توبه‌ قيلماسا

آنينگ‌ ايشي‌ حيله‌، مكر، آل‌ اولار

 

هر ييگيت‌ كيم‌، غريب‌ دوشسه‌ وط‌ندان‌

خبر سورار هر بير يولدان‌ اوتندن‌

تلموريبان‌ حاجت‌ تيلار يتندن‌

حاجتي‌ بيتمه‌سه‌، قيل‌ و قال‌ بولار

 

گل‌ اي‌ دوستوم‌، چكمه‌ قايغي‌غمي‌ سن‌

آقديرماغيل‌ گوزلرينگدن‌ نمي‌ سن‌

بو دنياده‌ غنيمت‌ بيل‌ دمي‌ سن‌

قايغي‌ چكسه‌، ييگيت‌ كيشي‌ چال‌ اولار

 

مختومقلي‌، نصيحت‌لار دوزر سن‌

خلايق‌نينگ‌ يوره‌ك‌ باغرين‌ ازر سن‌

ليكن‌ اوزونگ‌ دوغري‌ يولدان‌ آزار سن‌

رستم‌ اولان‌ بير گون‌ پير زال‌ اولار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی