اويله‌نگين


ييگيت‌ حالينگ‌ قارريليغا

سالايين‌ دييسنگ‌، اويله‌نگين‌

كدخداليق‌ انديشه‌سين‌

قيلايين‌ دييسنگ‌، اويله‌نگين



كدخداليق‌ گوزل‌ يولدور

قايغي‌ قارريدار، غم‌ اولدير

ييگيت‌ليك‌ بير قيزيل‌ گلدور

سولايين‌ دييسنگ‌، اويله‌نگين‌

 

اوي‌-ايل‌ گرك‌، يورغان‌ دوشك‌

فرزند بنددير، عيال‌ - دوشاق‌

يوكه‌ ورزشگار بوز اشك‌

بولايين‌ دييسنگ‌، اويله‌نگين‌

 

گزر سن‌ اويناپ‌، دالاشيپ‌

قالارسن‌ غما بولاشيپ‌

حسرتا، درده‌ اولاشيپ‌

قالايين‌ دييسنگ‌، اويله‌نگين‌

 

جوشغون‌ ادر سن‌ اوزونگدن‌

آيريلار سن‌ خوش‌ يازينگدان‌

توكنمز دردينگ‌ ايزيندان‌

يله‌يين‌ دييسنگ‌، اويله‌نگين‌

 

اوتير ييگيت‌ليك‌ زمانين‌

گتير قارريليق‌ دومانين‌

دنيانينگ‌ ياغشي‌، يامانين‌

بيله‌يين‌ دييسنگ‌، اويله‌نگين‌

 

ييگيت‌ليك‌ بير قيزيل‌ گلشن‌

قارريليقدا اوچر روشن‌

قوجاق‌- قوجاق‌ قارا ياوشان‌

يولايين‌ دييسنگ‌، اويله‌نگين‌

 

مختومقلي‌، گزيپ‌ هر تاي‌

اتمزدينگ‌ جهاندا پرواي‌

پيغمبر سنتين‌ بر جاي‌

قيلايين‌ دييسنگ‌، اويله‌نگين‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی