اولمسدن‌بورون


ساغ‌ليغينگ‌ قدريني‌ بيلگيل‌، خسته‌ بولماسدان‌ بورون‌

خسته‌ليق‌ شكريني‌ قيلغيل‌، تا كه‌ اولمسدن‌ بورون‌

دوز يرينگ‌ قدريني‌ بيلگيل‌، دريا دولماسدان‌ بورون‌

گامي‌ده‌ هوشيار اوتورغيل‌، گردابه‌ گلمسدن‌ بورون‌

ياشليغينگ‌ قدريني‌ بيلگيل‌،تا اولالماسدان‌بورون‌

 

اولالدينگ‌ گونگلونگده‌دير يالغان‌جهانينگ‌ سويگوسي‌

گوزلرينگ‌ گوزل‌ گوروپ‌، سني‌ گناهه‌ قويغوسي‌

ديل‌لرينگ‌ غيبت‌ كسيپ‌، لاف‌ يالان‌ سوزلر آيغوسي‌

خاط‌رينگ‌ يوزمونگ‌ پريشان‌، كدخداليق‌ قايغوسي‌

نه‌عجب‌خوشحال‌ايدينگ‌،اوزونگ‌ني‌بيلمسدن‌بورون‌

 

يارادان‌ يادينگدا دير، باشينگ‌ ياويز حالدا اكن‌

اوتسه‌ يوز ييل‌، يادا دوشمز، بللي‌ خوش‌ حالدا اكن‌

عمرينگي‌ بيهوده‌ توتما، فرصتينگ‌ الده‌ اكن‌

دگسه‌ بير باد خزان‌ سولدير سني‌ گلده‌ اكن‌

گل‌ني‌ يادينگدان‌ چيقارما، تا كه‌ سولماسدان‌ بورون‌

 

عقل‌ و هوشونگا يتيشدينگ‌، ايله‌دينگ‌ سيراني‌ سن‌

ايسته‌دينگ‌ جمع‌ ايله‌سنگ‌، بو كلي‌ ايراني‌ سن‌

اييمه‌دينگ‌ بير دم‌ فراغت‌ تانگري‌ برگن‌ ناني‌ سن‌

هي‌، خبرينگ‌ بارمي‌ دير، بو جهانينگ‌ ميهماني‌ سن‌

آزيغينگ‌ تايياري‌ قيل‌، كرون‌ چكيلمسدن‌ بورون‌

 

قالماميش‌ بو كونه‌ دنيا رستم‌ ايله‌ زالينگا

غره‌ بولما ايكي‌ گونلوك‌ اييگو - ايچگو، مالينگا

حقيقت‌ عارف‌ني‌ گور، اط‌لس‌ني‌ بردي‌ شالينگا

بو سحر، مختومقلي‌، ييغلا بو گون‌ اوز حالينگا

تانگلا اول‌ محشر گوني‌ درلاپ‌ اويالماسدان‌ بورون‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی