ايواني‌دورت


مختومقلي‌:

ـ گل‌ معروفي‌، جواب‌ بر، اول‌ نه‌دير،ديواني‌ دورت‌؟

ملايكا قورولغان‌ اول‌ نه‌دير، ايواني‌ دورت‌؟

اول‌ نه‌ يايدير، چكيلر آنينگ‌ دوخ‌ پيكاني‌ دورت‌؟

اول‌ نه‌ كيمسه‌ اوتندير، عهد ايله‌ پيماني‌ دورت‌؟

بر جوابين‌ بو سوزونگ‌، هفته‌ و قرباني‌ دورت‌؟

 

معروفي‌:

ـ تاپديم‌ جوابين‌، شاعر، عمرينگ‌دير، ديواني‌ دورت‌

ملايكا قورولغان‌ مجليسينگ‌ ايواني‌ دورت‌

ايمان‌ اوقدور، آتيلار، آنينگ‌ دوخ‌ پيكاني‌ دورت‌

شاهمردان‌ علي‌نينگ‌ عهد ايله‌ پيماني‌ دورت‌

بير آيينگ‌ دورت‌ هفته‌سي‌ جمعه‌دير قرباني‌ دورت‌

 

ـ چاي‌ بيله‌ نان‌ اوستونده‌ قايسي‌ پيغامبر دوردي‌؟

اول‌ كيم‌ ايدي‌ قوي‌لارا چوپان‌ ايله‌دي‌ قوردي‌؟

اول‌ كيم‌ ايدي‌ گلستان‌، ارم‌ باغينا گيردي‌؟

اول‌ كيم‌ ايدي‌ دنياده‌ رشيد پيريني‌ گوردي‌؟

اول‌ نه‌ كيمدير، اوتندير هم‌ تيغ‌، هم‌ براني‌ دورت‌؟

 

ـ چاي‌ بيله‌ نان‌ اوستونده‌ موسي‌ پيغمبر دوردي‌

اوزي‌ اردي‌ قويلارا، چوپان‌ ايله‌دي‌ قوردي‌

شير خدا گلستان‌ ارم‌ باغينا گيردي‌

علي‌ ايدي‌ دويناده‌ رشيد پيريني‌ گوردي‌

شير خدا علي‌نينگ‌ هم‌ تيغ‌، هم‌ براني‌ دورت‌

 

ـ قايسي‌ مالك‌ دنيادن‌ اوغول‌سيز اوتدي‌ گيتدي‌؟

اول‌ نا هله‌ي‌، بير آغشام‌ اريني‌ يوتدي‌ گيتدي‌؟

اول‌ كيم‌ ايدي‌، دنياسين‌ عبايه‌ ساتدي‌ گيتدي‌؟

اول‌ كيم‌ ايدي‌، گنج‌ مالي‌،توپراغا باتدي‌ گيتدي‌؟

اول‌ نه‌ صدف‌ آچيلميش‌ گوهر غلطاني‌ دورت‌؟

 

ـ سليماندير، دنيادن‌ اوغول‌سيز اوتدي‌ گيتدي‌

اول‌ همت‌لي‌ آي‌ ايدي‌، اريني‌ يوتدي‌ گيتدي‌

خضر نبي‌ دنياسين‌ عبايه‌ ساتدي‌ گيتدي‌

قارونينگ‌ گنجي‌ مالي‌ توپراغا باتدي‌ گيتدي‌

صدف‌ گوهر آچيلميش‌ هم‌ دري‌ غلطاني‌ دورت‌

 

اول‌ كيم‌ ايدي‌ دنياده‌، قلزم‌ دريادن‌ گچدي‌؟

اول‌ كيم‌ ايدي‌ نارينچ‌دا، عجب‌ گلزارا دوشدي‌؟

اول‌ كيم‌ ايدي‌ سخاوت‌، جنت‌ قاپي‌سين‌ آچدي‌؟

اول‌ كيم‌ ايدي‌ بارچاغا اولچگ‌ دونوني‌ بيچدي‌؟

اول‌ كيم‌ ارر، اولتورار جنتنده‌، ميهماني‌ دورت‌؟

 

ـ حمزه‌ ايدي‌، دنياده‌ قلزم‌ دريادان‌ گچدي‌

اوزي‌ اكن‌ نارينچ‌دا دورلي‌ گلزارا دوشدي‌

شاه‌ عادل‌ سخاوت‌ جنت‌ قاپي‌سين‌ آچدي‌

خياط‌ اجل‌ دنياده‌ بارچانينگ‌ دونون‌ بيچدي‌

رسول‌ الله‌ اوتورار، يانيندا ميهماني‌ دورت‌

 

ـ اول‌ نه‌ شاكر، ازلده‌ خذمت‌ ادر اوستادا؟

اول‌ نه‌ شهر زينه‌دير، كلي‌ گيدر بربادا؟

اول‌ نه‌ بلبل‌، اوقايير پاييز گيدر سمادا؟

قايسي‌ پيغامبر ايدي‌، باردي‌ الله‌غا دادا؟

قايسي‌ پيغامبر ايدي‌، تيلينده‌ ثناسي‌ دورت‌؟

 

ـ روح‌الامين‌ جبرائيل‌ خذمت‌ ادر اوستادا

لوط‌ينگ‌ شهري‌ زينه‌دير،باري‌ گيتدي‌ بربادا

همرانينگ‌ بلبلي‌دير، پاييز گيدر سمادا

اول‌ ابراهيم‌ پيغامبر، باردي‌ الله‌غا دادا

حقا قيلدي‌ مناجات‌، تيلينده‌ ثناسي‌ دورت‌؟

 

ـ مختومقلي‌، خبر بر، اول‌ كيم‌، درياغا گيردي‌؟

هر دم‌ نعره‌ چكنده‌، درياني‌ ط‌وفان‌ قيلدي‌؟

اول‌ كيم‌ ايدي‌، بير نظ‌ر كوه‌ مارانه‌ سالدي‌؟

آنينگ‌ واهمه‌سينه‌ ايران‌ تورانه‌ گلدي‌؟

اول‌ نه‌ قوشدور، اوچادير آسمانا، پروازي‌ دورت‌؟

 

ـ معروفي‌ ديير، ذوالفقار اردي‌، درياغا گيردي‌

هر دم‌ نعره‌ چكنده‌، درياني‌ ط‌وفان‌ قيلدي‌

علي‌ ايدي‌، بير نظ‌ر كوه‌ مارانه‌ سالدي‌

ايران‌ توراني‌ گزيپ‌، عزم‌ خراسان‌ گلدي‌

اول‌ كونگولدير، اوچادير آسمانا، پروازي‌ دورت‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی