ايلي‌گوزلار


ايليندن‌ آيرا دوشن‌

آه‌ اورار، ايلي‌ گوزلار

يولوندان‌ آيرا دوشن‌

جهد اديپ‌، يولي‌ گوزلار

 

گوكده‌ فلك‌ گرداندير

خلق‌ يرده‌ سرگرداندير

نه‌ بازيگار جهاندير

گوز آچان‌ مالي‌ گوزلار

 

كيملره‌ آلتين‌ تاجدير

كيملر سايل‌ محتاجدير

كيملر دويپ‌دن‌ غلا جدير

كيم‌ پارچا، حالي‌ گوزلار

 

كيم‌ نان‌ تاپماز اييماگه‌

كيم‌ ير تاپماز قويماغا

كيم‌ دون‌ تاپماز گيماگه‌

كيم‌ ترمه‌ شالي‌گوزلار

 

بو جهان‌ بير پشته‌دير

كيم‌ زنده‌، كيم‌ كشته‌دير

هر بنده‌ بير ايشده‌دير

هر كيم‌ بير حالي‌ گوزلار

 

هنگام‌ اوزين‌، عمر آز

چهار فصله‌ باشدير ياز

گوكده‌ قانات‌ يايان‌ غاز

گوزلري‌ كولي‌ گوزلار

 

مختومقلي‌، خوش‌ ايلاپ‌

گزگين‌ ديدانگ‌ ياش‌ ايلاپ‌

دالي‌ كونگول‌ جوش‌ ايلاپ‌

يوز مونگ‌ خيالي‌ گوزلار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی