ايله‌ياراشماز


بگ‌لر آق‌ ساقغال‌ دير ايلينگ‌ معراجي‌

قولدان‌ آق‌ ساقغالليق‌ ايله‌ ياراشماز

آقار سوودير زراعتينگ‌ انه‌سي‌

ايل‌سيز گون‌سيز يورتدا قالا ياراشماز

 

بگ‌ اولسا ييگيدينگ‌ اصلي‌ نصبي‌

قاچان‌ دنگ‌ بولادير آط‌ بيلن‌ يابي‌

قولا آغا دييمك‌ چوريغا بي‌بي‌

يوپك‌ آرقان‌ يوغين‌ قيلا ياراشماز

 

دگيم‌سيزه‌ دگيم‌ دگسه‌ بير ساپار

يوره‌گي‌ جايلاشماز قوزغالانگ‌ تاپار

اشه‌گي‌ سمرتسنگ‌ ايه‌سين‌ دپر

ياغشي‌ عزت‌ يامان‌ تولا ياراشماز

 

قارجيغا توغون‌دير قوشلار انه‌سي‌

ميرشكارلار قولغه‌ آلماز هر قوشي‌

گله‌ عاشق‌ بولماق‌ بلبلينگ‌ ايشي‌

قارغا بلبل‌ بولوپ‌ گله‌ ياراشماز

 

ياشيل‌ باش‌ سونالار كوللرده‌ گزر

گولونگ‌ هواسينه‌ سالسانگ‌ بير نظ‌ر

آدم‌ گزن‌ يرده‌ هر حيوان‌ گزر

جرندن‌ اوزگه‌سي‌ چوله‌ ياراشماز

 

ييگيت‌ بولسانگ‌ آونيق‌ سوزي‌ ايله‌مه‌

باط‌ير بولسانگ‌ اتجك‌ ايشينگ‌ اويلاما

اويله‌نسنگ‌ قيزدان‌ آل‌، دولدان‌ اويلنمه‌

ييگيدي‌ آغلاتماق‌ قيزا ياراشماز

 

مختومقلي‌ باش‌ گون‌ مستانه‌ سويله‌

يالانچي‌ني‌ مونداغ‌ قويماسلار بيله‌

ادبينگ‌ ياغشي‌سي‌ اوليني‌ سيله‌

اوليني‌ آغلاتماق‌ كيچا ياراشماز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی