ایچمه یین جامیم


دؤزمه نم، دوْیمانام، دوُرمانام، ای یار

بو ساقی دؤورینده ایچمه یین جامیم

جامِ می سوُندوُغینگ گؤرمه سین اغیار

گلمه نمِ عقلیما گؤرمه یین کامیم



بوْلموُشام غوّاص دِک، یوزمیشم کؤلی

تاپمیشام همراهی، توتمیشام یوْيلی

شوقینگ شرابیندان بوْلموُشام دألی

بیلمن نیچیک گِچِر چاشتیم وشامیم



تا نفس تنده دیر، تنده جان باردیر

دیل سانگا مایل دیر، چشم انتظار دیر

چکدیگیم فغان دیر، ورزشیم زاردیر

تا کی درد ایله گِچِر ایّامیم



گوزلرینگ جلاددیر تیل لرینگ عیار

غمزانگ بیمار اده ر یوزلرینگ تیمار

منصور بلاسینا بولسام گرفتار

گیده ره م سن ساری سویره ییپ خامیم



مختومقلی خوش خواب ایچره یاتیردیم

امرینگه اوُغرادیم، ایمان گتیردیم

اؤزومنی اوُنوُتدیم، هوشم ییتیردیم

((فراغی)) دییپ چاغیراسین منینگ نامیم

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی