ديداربار


بنده‌ بولسانگ‌، حق‌ امرين‌ توت‌، توتماسانگ‌، جبار بار

راست‌ يورگن‌ بنده‌لرگه‌ ياغشي‌ليق‌ و ديدار بار

كيم‌ يامانليق‌ ايله‌سه‌، هم‌ بيلگوجي‌ غفار بار

قيل‌ني‌ قيرقا بولماگه‌ منكر، نكير تاييار بار

موندا بير آزار برسنگ‌، اوندا يوز مونگ‌ آزار بار

 

ايكي‌ عالم‌ني‌ ياراتغان‌ قادري‌ غفار احد

بير آدينگ‌ دير قل‌ هو الله‌، بيري‌ الله‌ الصمد

تور سحر، ياد ات‌ خداني‌، ارته‌ تورماق‌ قيل‌ عادت‌

عاصي‌ امت‌لارغا برگيل‌، يا محمد، سن‌ مدد

عزراييل‌ دير، جبراييل‌ دير جلادي‌ و ستار بار

 

بللي‌سي‌ دجال‌ چيقار، بودور قيامتدان‌ نشان‌

كيمسه‌لر يلدي‌، يوويردي‌ كيم‌ني‌ بولدي‌ باغري‌ قان‌

اول‌ خدانينگ‌ امريدن‌ هم‌ بي‌خبر بنده‌سي‌ كان‌

بي‌نمازينگ‌ همدمي‌ دير اول‌ ييلان‌ بيرله‌ ايچيان‌

اوزاق‌ يوللار، بييك‌ داغلار، آندا سووسيز چول‌لر بار

 

اول‌ پيغامبر يدي‌ دوزخدان‌ آتاسين‌ آلمادي‌

پادشاه‌لاردا عادل‌ليق‌، يورتدا راستليق‌ قالمادي‌

اول‌ نمازخوان‌لارني‌ الله‌ دوزخ‌ ايچره‌ سالمادي‌

بي‌نماز بنده‌لر هم‌ جنت‌ ايچره‌ گيرمه‌دي‌

قيلدان‌ اينچه‌، قيليچدان‌ ييتي‌، آندا اينچه‌ يوللار بار

 

نيچه‌لر اويدا، فكرده‌، نيچه‌لر ايمان‌ تيلاپ‌

نيچه‌لر دنياسي‌گه‌ مغروردير، عقل‌سيز جلب‌

بي‌نمازني‌ مونگ‌ گذرلردن‌ اوتگوريرلر آيلاپ‌

اول‌ موكل‌لر كولوني‌ ساويرارلار هم‌ الاپ‌

بي‌نماز بنده‌لرگه‌ آندا ذقوم‌ سوولار بار

 

بي‌نمازينگ‌ آغزيندان‌ هم‌ قان‌ ايله‌ ايرينگ‌ آقار

هم‌ ييلان‌لار هاشلاشيپ‌، قورتلار بيله‌ مردار چوقار

آرقادان‌ گلسه‌ موكل‌، جايي‌ دير دوزخ‌ سقر

بي‌نمازلار چهار ط‌رفغه‌ دلموريپ‌، هر يان‌ باقار

بي‌نمازي‌ بنداگه‌ اوتدان‌ لباس‌ دونلار بار

 

بي‌نماز چكگن‌ عذابه‌ داغ‌ بيله‌ داشلار ارير

بي‌نمازلار سوو ديله‌سه‌، سوو اورنوغا زهر برير

آرقادان‌ گلسه‌ موكل‌، دوزخه‌ سودراپ‌ گلير

 

بي‌نماز، بي‌روزه‌لارنينگ‌ حالي‌ آندا بيلينير

بي‌نمازي‌ بنده‌لرگه‌ آندا ايرينگ‌، زهر بار

 

قول‌ آياغينگ‌ باغلابان‌، بيزدان‌ سانگا كفن‌ بيچر

بي‌نمازي‌ بنده‌لري‌ آندا آليپ‌ باريپ‌، زهر ايچر

كيمسه‌ بي‌فرزند ايسه‌، اولدي‌، آنينگ‌ اورني‌ اوچر

مونگ‌ عذاب‌دير باشلاريدا، نيچه‌لر هر يان‌ گچر

بي‌نمازي‌ بنداگه‌ عذاب‌ بيلن‌ قهر بار

 

اول‌ خدانينگ‌ قدرتين‌ گور، يدي‌ دوزخ‌ بار ايميش‌

بي‌نمازلار داد ادر: "الله‌ خداييم‌، بو نه‌ ايش‌"

نمازخوان‌ بنده‌لره‌ ميسردير سكيز بهشت‌

حويري‌ - غلمان‌لار قاشيندا آشي‌دير نوردان‌ اييميش‌

نمازخوان‌ بنده‌لره‌ سكيز بهشت‌ تاييار بار

 

سوزله‌سم‌، مختومقلي‌، سوزوم‌ عجب‌ در بولار

اول‌ خدا امرينده‌ چين‌ بنده‌ بهشت‌ده‌ گل‌ بولار

راست‌ يوريگن‌ بنده‌لر عرش‌ اوستوده‌ بلبل‌ بولار

بي‌نماز فاسق‌ خدانينگ‌ آلديدا منكر بولار

اودلي‌ گرزي‌، اولي‌ كسه‌و، آندا ايكي‌ عيار بار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی