دلالت‌ياغشي



اصلا آدمزاده‌ آجي‌ سوز اورمانگ‌
فقيره‌ - مسكينه‌ دلالت‌ ياغشي‌
بخيله‌ اوغرامانگ‌، گولر يوز برمانگ‌
مهم‌ بيتيرماگه‌ كفايت‌ ياغشي‌
 
يتيمي‌ گورنگده‌، گولر يوز برگيل‌
قولدان‌ گلسه‌، اونگا ط‌عام‌-دوز برگيل‌
بير غملي‌ گورنده‌، شيرين‌ سوز برگيل‌
انتاني‌ قولدارا حمايت‌ ياغشي‌
 
ييگيت‌ اولدور ــ سوزه‌ ايله‌سه‌ عمل‌
قولدان‌ گلمز ايشه‌ اتمه‌سه‌ جدل‌
الله‌نينگ‌ امرينه‌ قيلماغيل‌ بدل‌
بگه‌ ــ بريم‌، شاهه‌ ــ عدالت‌ ياغشي‌
 
غريبليق‌ بير درددير ــ آدم‌ اولدورمز
اولدورمه‌سه‌، دييرليكده‌ گولدورمز
ايت‌ هم‌ آريقليغين‌ قوردا بيلديرمز
البته‌، دوشمانا سياست‌ ياغشي‌
 
مختومقلي‌، شكر، شيرين‌ ديل‌ بردي‌
شجرلر گوگريب‌، ثمر گل‌ بردي‌
گوراوغلي‌ ريحانه‌ نيچيك‌ يالباردي‌
"آمان‌ دير" ديينه‌ ديانت‌ ياغشي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی