دوكه‌باشلادي‌



گوميلدي‌ دريالار، ييقيلدي‌ داغلار
ييتيم‌لر گوز ياشين‌ دوكه‌ باشلادي‌
اورامسيدان‌ بولان‌ حرامخور بگ‌لر
يوردي‌ بير يانيندان‌ ييقا باشلادي‌
 
جماعتسيز اذان‌ بير قوري‌ سس‌ دير
نيچه‌ ملا نينگ‌اوقان‌ علمي‌ عبث‌ دير
قاضي‌لارينگ‌ كاري‌ چاي‌ بيله‌ ناس‌ دير
بير بوزوق‌ نشانا توتا باشلادي‌
 
ايشانلاري‌ هر قاپيدا تاپيلار
ملا لارنا يوق‌ مجابت‌ ياپيلار
"اوليا من‌" ديييپ‌ جوگي‌ صوفي‌لار
قيغيريپ‌، آسمانا بوكه‌ باشلادي‌
 
چيقار بيابانا قيزي‌، گليني‌
آق‌ يوزونه‌ ياپار قارا تليني‌
كمچين‌ليك‌ ايله‌ييپ‌، ييغان‌ پولوني‌
دوزه‌ديپ‌ اوزونه‌ داقا باشلادي‌
 
دنياده‌ سودخورينگ‌ پول‌ ييغما دردي‌
بايلارينگ‌ مال‌لاري‌ بي‌زكات‌ اردي‌
توبه‌ ادينگ‌، گوزوم‌ بير يامان‌ گوردي‌
بي‌ گناه‌ بير-بيرين‌ ياقا باشلادي‌
 
مختومقلي‌، باشا باغلاپ‌ سله‌لر
آچ‌ بوري‌ دي‌ يورتوپ‌ نيچه‌ ملا لار
حلالدان‌، حرامدان‌ ييغنان‌ غله‌لر
هرنه‌ تاپسا، دينماي‌ ديقا باشلادي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی