ديش‌گيتمك‌



ط‌عام‌ لذتين‌ بيلمز
دهانينگدان‌ ديش‌ گيتمك‌
آنگيرسيزي‌ آزديرار
گوتين‌ دولت‌ ـ باش‌ گيتمك‌
 
شيط‌ان‌ يولون‌ بك‌ ايلار
قارا يوزون‌ آق‌ ايلار
يوز مونگ‌ گناه‌ يوق‌ ايلار
سحر گوزدن‌ ياش‌ گيتمك‌
 
پلته‌سيز ياغ‌ چراغا
ايشيق‌ سالماز قيراغا
ايلين‌ سالار آياغا
آياق‌ قاليپ‌،باش‌ گيتمك‌
 
نيچه‌ پيسه‌ زار بولوپ‌
ياتسانگ‌ يگ‌ بيمار بولوپ‌
خوشدور ياغشا يار بولوپ‌
بير ياماندان‌ داش‌ گيتمك‌
 
اولاشماغانلار غما
شكر اتمزلر بو دمه‌
آبرايدير آدما
ياغشي‌ گليپ‌، خوش‌ گيتمك‌
 
يامان‌ ديل‌ ـ يول‌ ييتيرر
ياغشي‌ ـ رحمت‌ گتيرر
اره‌ سانغي‌ آرتديرار
قيرقدان‌ آشيپ‌، ياش‌ گيتمك‌
 
فراغي‌، دنيا دويشدور
دويش‌ گورسنگ‌، دويبي‌هيچ‌دير
جهاندا يامان‌ ايشدير
قوري‌ گليپ‌، بوش‌ گيتمك‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی