داشدا بللی دیر



یاغشی نینگ قدرین ایل بیلمز
یاغشی لار داشدا بللی دیر
مولام نظر سالسا کیمه
بوْلاجاق یاشدا بللی دیر

اؤیده یاتیپ اتمه گناه
قول-آیاغینگ بوْلار گواه
ایله- پنهان،حقه آگاه
اصل آدام ایشده بللی دیر

بوُدنیا مالدیر گؤرکونگ
هر بیر یره یتر ارکینگ
اؤیونده لاف اوُرار هر کیم
باتیر سؤوشده بللی دیر

حینانی یاقسانگ، رنگ بوْلار
قیزیلی سؤکسنگ،سنگ بوْلار
همّه بدولر دنگ بوْلار
بدو چاپیشدابللی دیر

خوجا، سیّد سلاست لی
فقیرلارا دلالت لی
خوش تبسم- ملاقت لی
هر کیم دنگ- دوُشدا بللی دیر

مختومقلی شوقینگ گونی
یاغشی دیر اسلامینگ دینی
ینه ها گؤزلینگ سینی
گؤز بیلن قاشدا بللی دیر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی