دوستلاریم



واخ منی رنج والم افکار قیلدی، دوستلاریم
آتماغا محنت اوْقوُن تاییار قیلدی، دوستلاریم
قایغی بیرله بیزلری بیمار قیلدی، دوستلاریم
ایل – گون ، دنگ- دوشلاریم هم زار قیلدی، دوستلاریم

شوم فلک آیرا سالیپ، ناچار قیلدی، دوستلاریم
جوْشغوُنیم فرِقت ایچره قالمیشام بو جایدا من
آیرالیق نینگ حسرتیندان گیجه- گوندیز وایدا من
دوشموشم بیر یار الیگه، روز وشب هوی- هایدا من

ییلدا بیر خشتیم دوشِر، اگسیلرِم بیر آیدا من
اوُشبوُ یارینگ حیله سی هم خوار قیلدی، دوستلاریم
بیر زمان رحم ایله مس آشفته حالیمغا منینگ
روز وشب من ییغلارام گچن خوب سالیمغا منینگ

نیله یین، ایشیم دوشوپدیر اوُشبوُ ظالمغا منینگ
غصّه – غمدان غیری زات گلمز خیالیمغا منینگ
بیزه زلفین گؤستریپ، هم مار قیلدی، دوستلاریم
ای کونگول ، گل ، شکر قیلغیل ، بولماغیل زار و زبون 

بولاور مردانه ، کونگلوم ، بیل ، اوتر سند بوگون
جوشاورگیل ، ای کونگول ، گیر بزمیمه مندن شوگون
بیر نیچه محنتده یاتدینگ، ایمدی گل، راحت شوگون
عشق سرگردان لیغی آوار قیلدی، دوستلاریم

سوزله ییپ ، مختومقلی، مونچا فغان چکمک نه دیر
گوزده یاشینگ آقیزیپ، خونابه لر دوکمک نه دیر
غصه نی جان شهری گه ، تخم ادیپ چکمک نه دیر
دهر آرا رسوا بولوپ گووسونگ نی چاک اتمک نه دیر
منی عشق سوداسینا گرفتار قیلدی، دوستلاریم

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی