دومان‌گيتمزميش‌



ايل‌لر، هي‌، مجنون‌ داغي‌نينگ‌
سريندن‌ دومان‌ گيتمزميش‌
منكره‌ بيلين‌ باغلانينگ‌
كونگلوندن‌ گمان‌ گتمزميش‌
 
قوينا قارداش‌ بولماز قورتدان‌
ديلگ‌ اتمه‌ هر نامرددان‌
تا اولينچا قوچ‌ ييگيتدن‌
ياي‌ بيلن‌ كمان‌ گيتمزميش‌
 
غافل‌ آدام‌ اوغلي‌ بيلمز
اولوميني‌ يادا سالماز
مالينگ‌ - ملكينگ‌ ايسسيغ‌ قيلماز
يانيندان‌ ايمان‌ گيتمزميش‌
 
زمانا ياقين‌ گلنده‌
يري‌، گوگي‌ سوو آلاندا
الله‌دان‌ غيري‌ اولنده‌
اون‌ سكيز مكان‌ گيتمزميش‌
 
ير بيلن‌ گوكدن‌ قوات‌لي‌
شول‌ عزراييل‌دان‌ هيبت‌لي‌
باش‌ كيشي‌نينگ‌ خريش‌ آدلي‌
اونگوندن‌ ييلان‌ گيتمزميش‌
 
عاشقلار ترك‌ جان‌ اتسين‌
گوزده‌ ياشين‌ روان‌ اتسين‌
قوچ‌ ييگيت‌لر احسان‌ اتسين‌
احساني‌ ريگان‌ گيتمزميش‌
 
مختومقلي‌، قالغان‌ درده‌
ايشينگ‌ دوشمه‌سين‌ نامرده‌
قيامت‌ گوني‌ جومارده‌
دوزاخدان‌ زيان‌ يتمزميش‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی