دومان‌قالمادي‌



بير سوزوم‌ بار دييسم‌ شاه‌غا - سلط‌انه‌
دوستلار منگي‌ بولوپ‌ دومان‌ قالمادي‌
دولتلي‌ بايلارينگ‌ دوز خرمنينده‌
دسترخان‌ كسيليپ‌ ميهمان‌ قالمادي‌
 
قايتا غيبت‌كش‌لر اوزون‌ دوزتدي‌
سودخور دنيا بيلن‌ اوزون‌ گوزتدي‌
تانگريدان‌ بي‌خبر قوشين‌ اوزاتدي‌
تانگريني‌ بير بيلن‌ مردان‌ قالمادي‌
 
نيرده‌ شوغول‌ بولسا بولدي‌ معتبر
دنياني‌ باقي‌ دييپ‌ ييغنادي‌ چوخ‌ زر
آيديپ‌ اوتوپ‌ گيتدي‌ اول‌ خيرالبشر
تانگريدان‌ قورقونچ‌لي‌ ميهمان‌ قالمادي‌
 
بخيل‌ بولان‌ باي‌ آديني‌ گوتردي‌
فاسق‌لار فسق‌ ايله‌ عمرين‌ اوتوردي‌
اهلي‌ دل‌ دنيادن‌ اوزون‌ گوتردي‌
دردلي‌لر دردينه‌ درمان‌ قالمادي‌
 
خلايق‌ بارچاسي‌، جسدخور بولدي‌
عالم‌لار علميندان‌ قالدي‌، كور بولدي‌
سپاهي‌ باريسي‌ پاره‌خور بولدي‌
شاه‌ آلديندا عادل‌ وزير قالمادي‌
 
مفتي‌ اوز سوزونه‌ قيلمادي‌ عمل‌
شريعت‌ ايشينه‌ ايله‌دي‌ حيل‌
خلق‌ ايچينه‌ دوشدي‌، حرص‌ آدلي‌ كسل‌
تانگريني‌ بير بيلن‌ انسان‌ قالمادي‌
 
قيزلار جوان‌لاردا قالمادي‌ حيا
يردن‌ گوگرمه‌دي‌ بركت‌ گيا
درويش‌لر ط‌اعتين‌ ايله‌دي‌ ريا
يورتده‌ كرامت‌لي‌ ايشان‌ قالمادي‌
 
مختومقلي‌ آيدار بار-ها يول‌ تاني‌
بورونقي‌ همنشين‌ دوستلارينگ‌ قاني‌
آبراي‌ بيله‌ تابشيراگور بو جاني‌
موندا گلن‌ يار و ياران‌ قالمادي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی