ريگان‌ايله‌دي



قايغي‌-غمدا عزيز عمريم‌ سولديريپ‌
شوم‌ فلك‌ عذابيم‌ ريگان‌ ايله‌دي‌
يازان‌ كتابلاريم‌ سيله‌ آلديريپ‌
گوزلريم‌ ايزيندان‌ گريان‌ ايله‌دي‌
 
غافلليقدا دشمن‌ آلدي‌ داشيميز
دارغاتدي‌ هر يانا دنگي‌-دوشوميز
باش‌ ييلدا بير كتاب‌ ادن‌ ايشيميز
قيزيل‌ باشلار آليپ‌، ويران‌ ايله‌دي‌
 
بير نيچه‌لر قولي‌ باغلي‌ قول‌ بولوپ‌
نيچه‌لر ايزيندا سارغاريپ‌ سولوپ‌
كيمي‌ بريپ‌، آنينگ‌بهاسين‌ آليپ‌
هر كيمه‌ بير بللي‌ بها ايله‌دي‌
 
شوم‌ فلك‌ بي‌ رحم‌، مانگا بيلديردي‌
آغلاماقدان‌ گل‌ يوزلريم‌ سولدوردي‌
قول‌ يازما كتابيم‌ سيله‌ آلديردي‌
دشمانيمي‌ جيحون‌ دريا ايله‌دي‌
 
نيچه‌لر دنياده‌ بولدي‌ بير كيشي‌
نيچانينگ‌آغزيني‌ دولدورماز آشي‌
نيچانينگ‌ ماتم‌دان‌ قوتولماز باشي‌
گيجه‌-گونديز واويلتا ايله‌دي‌
 
كويدورر شوم‌ فلك‌ ظ‌لمي‌-جفاسي‌
يالاندير، اينانمانگ‌، عهدي‌-وفاسي‌
مختومقلي‌، يوق‌ بو سوزونگ‌ خط‌اسي‌
فلك‌ الف‌ قديم‌ دوتا ايله‌دي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی