رفتاري‌دير



ييگيت‌ كونگلونه‌ سيغينان‌
آط‌ينگ‌ گوركي‌ رفتاري‌ دير
ايله‌ - اولوسا خوش‌ گلن‌
آش‌، قيليچ‌، ار گفتاري‌ دير
 
اونگونگ‌ قارا، آردينگ‌ گوزله‌
خوش‌ سوزونگ‌ ديي‌، قهرينگ‌ گيزله‌
سوزلا بيلسنگ‌، ياغشي‌ سوزله‌
خلق‌ يامانينگ‌ بيزاري‌ دير
 
دنيا دراز، عمر قالماز
 اجل‌ گلسه‌، چاره‌ بولماز
نه‌ ايش‌ بارين‌ آدام‌ بيلمز
 بارچا ايش‌ حقينگ‌ كاري‌ دير
 
اوتر دوران‌، برمز ساليم‌
هر كيم‌ جام‌ برسه‌، بر چاليم‌
موندا نوبات‌ سورسه‌ ظ‌الم‌
ارته‌ حق‌ غريب‌ ياري‌ دير
 
اوز اركيم‌ بيلن‌ سوز دييمن‌
 گله‌جك‌ رزقه‌ غم‌ اييمن‌
جهاندا بار ايشدن‌ يامان‌
بير مومنينگ‌ آزاري‌ دير
 
آنگلاماز اوغرا گلمه‌سه‌
سيرلاشارغا يار بولماسا
ايل‌ - گونده‌ قدر قالماسا 
سوز هم‌ نه‌ درده‌ داري‌ دير
 
مختومقلي‌، سن‌ دمبدم‌
 آخرت‌ ساري‌ اور  قدم‌
ياغشي‌ - يامان‌ بارچا آدام‌
اجل‌نينگ‌ گرفتاري‌ دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی