سالي‌،دنياهي



سوو يوزونده‌ گزديررسن‌ گاميني‌
بير گون‌ آغدارار سن‌، سالي‌، دنيا هي‌
آدم‌ اوغلي‌ بارماز بولسا ايزينگدان‌
موندا دييپ‌ آلدار سن‌ مالي‌، دنيا هي‌
 
بيلر مي‌سن‌، هاچان‌ توكه‌نر دمينگ‌
قبر بولار بير گون‌ باسان‌ قدمينگ‌
دوران‌ گردشينده‌ غافل‌ آدمينگ‌
اوستوندن‌ سالار سن‌ يولي‌، دنيا هي‌
 
خبرسيز گلر سن‌، ياقا توتار سن‌
ياغشي‌ ايلاپ‌، يامان‌ ايلاپ‌ اوتر سن‌
بير گون‌ آشيميزا آوي‌ قاتار سن‌
اول‌ آلداپ‌ بيير سن‌ بالي‌، دنيا هي‌
 
آرامينگ‌ يوق‌، قرارينگ‌ يوق‌، دينماز سن‌
گيجه‌ گونديز قان‌ ايچر سن‌، قانماز سن‌
آخر نه‌ بلانگ‌ بار، سونگون‌ سانماز سن‌
عقليني‌ آلديران‌ دالي‌، دنيا هي‌
 
آيلانار، قيش‌ گچر، ياز، توموس‌، گويز هم‌
آنگلانا ياغشي‌ دير، داغ‌، دنگيز، دوز هم‌
آخري‌ اوترميز اوستونگدن‌ بيز هم‌
قوغاريپ‌ قالار سن‌ خالي‌، دنيا هي‌
 
كوپ‌لري‌ يوق‌ اتدينگ‌، كاني‌ يوويتدينگ‌
محمد ــ حق‌ رسول‌ جاني‌ يوويتدينگ‌
هارون‌، قارون‌، سليماني‌ يوويتدينگ‌
بودور سنينگ‌ ايشينگ‌ بللي‌، دنيا هي‌
 
آدم‌ اوغلون‌ سالدينگ‌ توكنمز غمه‌
ياش‌ - قارري‌ ــ يولوندا سرگردان‌ همه‌
بير ماده‌ اشك‌ دك‌ گليپ‌ سن‌ دمه‌
قاسيغي‌ غم‌ بيلن‌ دولي‌، دنيا هي‌
 
مختومقلي‌، دنيا سرين‌ دويماز سن‌
بو گون‌ گوردوگيميز ارتا قويماز سن‌
نيچه‌ وقتدان‌ باري‌ ايير، دويماز سن‌
ييقيلغين‌، يومرولغين‌، لولي‌، دنيا هي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی