سازينادگمز



بزم‌نينگ‌ لذتين‌ بيلمه‌ين‌ آدم‌
هونارلي‌ ييگيدينگ‌ سازينا دگمز
بدسياق‌لي‌، بدخوي‌ بولان‌ پيس‌ آدم‌
پريزادينگ‌ ادن‌ نازينه‌ دگمز
 
بي‌معني‌نينگ‌ سوزي‌ جانينگدان‌ اوتر
غيبت‌ اديپ‌، اوزي‌ گناه‌گه‌ باتار
يامانينگ‌ زياني‌ ايلينه‌ يتر
نادانينگ‌ پيداسي‌ اوزونه‌ دگمز
 
آدم‌ باردير، آني‌ شالار چاغيردار
آدم‌ بار، ظ‌لم‌ اديپ‌، غريب‌ آغيردار
آدم‌ بار، پر دوشك‌ يانين‌ آغيردار
آدم‌ باردير، آق‌ كيز ديزينا دگمز
 
مخنثينگ‌ بولماز ناميسي‌ - آنگي‌
بير سووش‌ گونونده‌ ايله‌مز جنگي‌
آغا - بگ‌لر، مخنثينگ‌ اون‌ مونگي‌
مرد اهلي‌نينگ‌ آلتي‌ يوزونه‌ دگمز
 
مختومقلي‌، دوران‌ سونگي‌ دير عدم‌
لحد آدلي‌ اويه‌ قويار سن‌ قدم‌
معني‌ سوز آنگلاماز بي‌كمال‌ آدم‌
دانالارينگ‌ آيدان‌ سوزونه‌ دگمز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی