سوزي‌گچرجانينگدان



دنگسيز بيله‌ دنگ‌ ايله‌سنگ‌ اوزونگني‌
درد بولوبان‌، سوزي‌ گچر جانينگدان‌
ايراق‌ بولما قدرينگ‌ بيلن‌ قارداشدان‌
هر ايش‌ توتسانگ‌، اول‌ قووانار يانينگدان‌
 
قهره‌ مونوپ‌ قالديرماغين‌ شيط‌اني‌
نفسه‌ اويوپ‌، اونوتماغين‌ رحماني‌
كسسه‌ عقلينگ‌ ياغشي‌ بيله‌ ياماني‌
هر بير سوزه‌ دولوپ‌ - داشما قانينگدان‌
 
صبرينگ‌ بولسا، سبحان‌ يتر دادينگا
جنگي‌ جدل‌ لايق‌ دالدير آدينگا
آلما يامان‌ سوزي‌ هرگز يادينگا
تيكن‌ بولوپ‌ دورتوپ‌ گچر دونونگدان‌
 
بارچا بولان‌ ايشلر حقينگ‌ ايشي‌ دير
آنگا تن‌ برمه‌ين‌ ــ آقماق‌ كيشي‌ دير
بير يامان‌ سوز جانا ييلان‌ ديشي‌ دير
سوقسا، زهري‌ آسان‌ چيقماز تنينگدن‌
 
مختومقلي‌، يالانچي‌ دير بو جهان‌
مستده‌ عقل‌ بولماز، كافرده‌ ايمان‌
جايين‌ تاپسا قارينجا دي‌ پيس‌ دوشمان‌
آرسلان‌ بولوپ‌، ال‌ گوترمز شانينگدان‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی