سيل‌قالماز



آلتميش‌ باشلي‌، آلا قارلي‌ داغلاردان‌
دومان‌ گوچر، ياغمير گچر، سيل‌ قالماز
شيدا بلبل‌ مسكن‌ توتان‌ باغلاردان‌
خزان‌ اورار، ياپراق‌ قاچار، گل‌ قالماز
 
هر كيم‌ ايچر اول‌ شرابدان‌، اول‌ جام‌دان‌
يورك‌ جوشار، هر سوز گلر زبان‌دان‌
گلن‌ گچر بو يالانچي‌ جهان‌دان‌
خوجه‌، سيد، بگ‌، پادشاه‌، قول‌ قالماز
 
جانا دگسه‌ قارريليغينگ‌ زهري‌
بوزوق‌ بولار كونگول‌ - گووره‌ شهري‌
الدن‌ گيتسه‌ ييگيت‌ليگينگ‌ بهاري‌
قوات‌ قاچار، ديز اگيلر، بيل‌ قالماز
 
بير نامردينگ‌ كوپ‌ منت‌لي‌ آشيندان‌
ال‌ اوزاتما، اويلاناور داشيندان‌
ايل‌سيز قالان‌ بلند داغلار باشيندان‌
آغاچ‌ بيتر، جاده‌ ييتر، يول‌ قالماز
 
مختومقلي‌، بو جهاندا كيم‌ بولار
اول‌ مكانا گيدن‌ گلمز، گم‌ بولار
گورر گوزونگ‌، گورك‌لي‌ گوورانگ‌ قوم‌ بولار
دهان‌ گيدر، دندان‌ دوشر، ديل‌ قالماز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی