شفابر



بو چولده‌ رحم‌ ايله‌ غريب‌ حاليمه‌
عالمني‌ ياراتغان‌، سبحان‌، شفا بر!
چوخ‌ ايذالي‌، دردلي‌ شيرين‌ جانيما
يا مصط‌في‌، فخر جهان‌، شفا بر!
 
اون‌ ايكي‌ امام‌، بيري‌-بيريندن‌ سرور
يدي‌ ولي‌، ياران‌ بولوپ‌، مدد بر
مشهد، قارا بابا، يا شيث‌ پيغامبر
حسن‌، حسين‌، شاهمردان‌، شفا بر!
 
نوح‌ پيغمبر، نظ‌ر ايله‌ بير نفس‌
عمرومي‌ بيهوده‌ گچيرديم‌ ــ عبث‌
ذكريا پيغامبر، يا خضر، الياس‌
غوث‌، غياث‌، موسي‌ عمران‌، شفا بر!
 
ابراهيمينگ‌ جاندان‌ آيريلدي‌ تابي‌
كعبا باران‌ حاجي‌ تاپار ثوابي‌
قارا عالم‌ بابا، يا خالد نبي‌
گوزلي‌ آتا، بابا سلمان‌، شفا بر!
 
اوغول‌ دولتيني‌ برمان‌ اگه‌سي‌
ايزيندا بير نشان‌ يوقدور نواسي‌
ديو-پري‌نينگ‌، جنسينگ‌ پادشاسي‌
سلط‌ان‌ بولان‌ شاه‌ سليمان‌، شفا بر!
 
اوزونگ‌ دوغري‌ گوزله‌، يا ربيم‌ جليل‌
بارچانينگ‌ رزقينه‌ اوزونگ‌ سن‌ كفيل‌
يا داود، يا جرجيس‌، ابراهيم‌ خليل‌
ابوبكر، عمر، عثمان‌، شفا بر!
 
داد ايلاپ‌، تيليمدن‌ قيلديم‌ فغان‌لار
ياش‌ يرينه‌ آقدي‌ گوزوم‌دن‌ قان‌لار
خوارزم‌ يوردوندا ياتان‌ جانان‌لار
اسمحمود ــ ار پهلوان‌، شفا بر!
 
مولام‌، يتير مسگنيمه‌، يورديمه‌
يوزوم‌ دوشسين‌ آرسلانيمه‌، قورديمه‌
مختومقلي‌ آيدار، منينگ‌ درديمه‌
دنيانينگ‌ ط‌بيبي‌ ــ لقمان‌  شفا بر!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی