شايلامايين‌مي‌؟



عمره‌ اعتبار يوق‌، جانا دوروم‌ يوق‌
آخرت‌ اسبابين‌ شايلامايين‌ مي‌؟
بنده‌ من‌، بارارغا غيري‌ يريم‌ يوق‌
ايسته‌گيم‌ اوزوندن‌ ايله‌مايين‌ مي‌؟
 
يارانلار، يتمك‌ يوق‌ سبحان‌ سيرينا
آچسا يولوم‌، يتسم‌ دوست‌ اثرينه‌
رياضت‌ني‌ يوكلاپ‌ نفسيم‌ اشترينه‌
اخلاصا اييتديريپ‌، هايدامايين‌ مي‌؟
 
يوقلوغا يانديريپ‌، من‌ليكدن‌ ساغين‌
اشكيندن‌ سووارسام‌ نيست‌ليگينگ‌ باغين‌
عجب‌ و ريا، كبر، حسد متاعين‌
بولوپ‌، رهزن‌لره‌ پايلامايين‌ مي‌؟
 
آبي‌ توفيق‌ يوويپ‌ جسديم‌ ناوين‌
همت‌ بيله‌ اوتسم‌ عبادت‌ زاوين‌
روحوم‌ قوشون‌ بسلاپ‌، نفسيمينگ‌ آوين‌
فكر بيشه‌سيندن‌ آولامايين‌ مي‌؟
 
مختومقلي‌، نه‌ بار ايچمك‌، اييمك‌دن‌
جان‌ جسددن‌ گيدر، ات‌ هم‌ سويك‌دن‌
گوز گورمكدن‌ قالار، ديل‌ هم‌ دييمك‌دن‌
ديليم‌ ترپه‌نركان‌ سويله‌مايين‌ مي‌؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی