صفابولار



ياغشي‌ بيلن‌ بولسانگ‌ اوبا
ايشينگ‌ ذوقي‌ صفا بولار
ييگيت‌ليكده‌ قيلسانگ‌ توبه‌
دردينگه‌ كوپ‌ دوا بولار
 
يامان‌ قونگشي‌ چاپار قايتا
ييقلانگدا دپر قايتا
سندن‌ عيب‌ تاپار قايتا
باشينگا بير بلا بولار
 
گورونگ‌-ها اوزون‌ اووه‌نه‌
رحم‌ اتمز دوغان‌-دوغانا
سلله‌سين‌ منگزه‌ديپ‌ سوغانا
اونگي‌ يتن‌ ملا بولار
 
گورونگ‌ قدرت‌لي‌ نشاني‌
هر آغيزدان‌ سوز بوشاني‌
آخرت‌ وقتينگ‌ ايشاني‌
بداصل‌ كدخدا بولار
 
آدم‌ ياغشي‌سي‌ عالم‌ دير
عمل‌ اتمه‌سه‌ ظ‌الم‌دير
منينگ‌ زينت‌لي‌ ماليم‌دير
حق‌ بوگون‌ عط‌ا بولار
 
مخنث‌ اوغلي‌ هر يرده‌
اوزوني‌ قويار چوخ‌ درده‌
ايشينگ‌ دوشسه‌ بير مرده‌
يامان‌ گونده‌ قالا بولار
 
گورونگ‌لر نيچيك‌ زمانا
ياغشي‌ قوشولدي‌ يامانا
قوچ‌ ييگيت‌ مينسه‌ چامانا
وهم‌ بيلن‌ مبتلا بولار
 
زمانا ياقين‌ گلنده‌
فرق‌ بولماز يالان‌ چيندا
حق‌ قناعتي‌ آلاندا
نوالي‌ بينوا بولار
 
مختومقلي‌ سوزلار ديليندن‌
ناميسين‌ برمز قولوندان‌
قياس‌ ادينگ‌ قيز گليندن‌
ييل‌ ييلدان‌ بي‌حيا بولار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی