صدجان‌،اي‌دوست



گوزومه‌ هرگز سن‌سيز گورينمز جهان‌، اي‌ دوست‌!
نه‌ جهان‌، بلكي‌ تنده‌ گر بولسا صد جان‌، اي‌ دوست‌!

دوستلاريغا بو ايش‌لر بي‌وفاليق‌ ارمس‌ مو؟
جانا جبرينگ‌ آرتديردينگ‌ آچديقچا زبان‌، اي‌ دوست‌!

اول‌ كي‌ رخسارينگ‌ گوروب‌، كونگول‌ قوپدي‌ سن‌ يارا
جان‌ برمه‌ي‌ قوتولماق‌ يوق‌ هيچ‌ آنگا امكان‌، اي‌ دوست‌!

وصالينگا اميد اتگن‌ اوزميش‌ الين‌ جانيندان‌
چشمينگ‌ جلاد جهان‌، قاشينگدير كمان‌، اي‌ دوست‌!

دستور زمان‌ بودور، مظ‌لوملارا لط‌ف‌ اتگيل‌
شرار شوقينگ‌ آرتار اتديكچه‌ آمان‌، اي‌ دوست‌!

اميدلي‌ عاشقلارا وصل‌ اميدين‌ قط‌ع‌ اتدينگ‌
عاشقلارا جبر آندان‌ بولغاي‌ مو بو يان‌، اي‌ دوست‌!

مختومقلي‌، بير مخلوق‌، من‌ عاشقام‌، سن‌ ــ معشوق‌
گر دييسنگ‌: "ايسته‌گيم‌ يوق‌"، بارارين‌ قايان‌، اي‌ دوست‌!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی