علي‌دير



 ضرب‌ اوروبان‌ جناديل‌نينگ‌ شهرينه‌
 كافرلارا غضب‌ سالان‌ علي‌ دير
گوز يوموپ‌ آچغينچا قيرق‌ گونلوك‌ يولي‌
 دلدله‌ بير فرسخ‌ قيلان‌ علي‌ دير
 
باشلار آزاد ادن‌ ديو قوجاغيندان‌
 آژدارها لبيندن‌، داغ‌ بوجاغيندان‌
دروازه‌سين‌ چكيب‌ خيبر داغيندان‌
يدي‌ قالا بيردن‌ دولان‌ علي‌ دير
 
كشت‌ ايله‌گان‌ داغي‌ - داشي‌ اله‌ييپ‌ 
خنجر، قيليچ‌ گمريب‌، قانلار يالاييپ‌
دوغري‌ گليپ‌، اختم‌ قانين‌ ديله‌ييپ‌
مقاتله‌ غوغا سالان‌ علي‌ دير
 
آرسلان‌ كيبي‌ قاودينگ‌ كافر آولاري‌ 
گشاد اتدينگ‌ نيجه‌ كعبه‌ رولري‌
ير آستيندا اولكه‌ چاپان‌ ديولري‌
باريب‌، بولك‌ - بولك‌ قيلان‌ علي‌ دير
 
كله‌ گلدي‌ درگاهينگا داد بيله‌ 
 نظ‌ام‌ بردينگ‌ سرحدلره‌ خط‌ بيله‌
قمقام‌ قيليچ‌ بيله‌، دلدل‌ آط‌ بيله‌ 
تحت‌ السري‌ دگين‌ باران‌ علي‌ دير
 
مختومقلي‌ آيدار، تنده‌ بو جانينگ‌
يولوندا نثار ات‌ شاهمردانينگ‌
ال‌ اوزاديپ‌ چار كنجينه‌ دنيانينگ‌
محمد دينينه‌ سالان‌ علي‌ دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی