غيبت‌كش‌



روز محشر شكايت‌ ادر تيلينگدن‌
رسواليغينگ‌ بودور سنينگ‌، غيبت‌كش‌
عمرينگ‌ يله‌ برمه‌، آزما يولينگدان‌
آغيرتماغيل‌ ايلينگ‌ - گونونگ‌، غيبت‌كش‌
 
بولوت‌ دك‌ كوكراپ‌، برق‌ كيمين‌ گورلار
گاهي‌ بوزدان‌ تخت‌دير، آتشين‌ يرلر
قاط‌ر دك‌ ايچيان‌لار، بوغرا دك‌ مارلار
بدنينگدن‌ سورار قانينگ‌، غيبت‌كش

حالينگ‌ گورن‌ حيران‌ بولوپ‌ آغلارلار
اوزونگ‌ سجين‌ آدلي‌ جايدا باغلارلار
تيلينگ‌ چكيپ‌، دمير بيله‌ داغلارلار
قارا بولار شول‌ گون‌ يوزونگ‌، غيبت‌كش‌
 
يامان‌ سوز آيرادير ياغشي‌ دوستينگدان‌
گناهينگ‌ آغرامي‌ باسار اوستونگدن‌
جهنم‌ ايچينده‌ تاموغ‌ آستيندان‌
فلك‌لره‌ چيقار اوينونگ‌، غيبت‌كش‌
 
ملك‌لر گوتريپ‌، گرزلر اورارلار
انداميندان‌ سوو دك‌ آقار زهرلر
هاشلاشيپ‌ دورارلار يانينگدا مارلار
اندامينگدان‌ سورار قانينگ‌، غيبت‌كش‌
 
بير دم‌ قوتولماز  سن‌، تاموغ‌ ناريندان‌
تنينگه‌ ياييلان‌ ييلان‌ زهريندن‌
شول‌ عذابينگ‌ حسرتيندان‌، زاريندان‌
فلك‌لره‌ چيقار اوينونگ‌، غيبت‌كش‌
 
اورون‌ بييرلر سانگا التيپ‌ بير جايدا
گونونگ‌ گچر گيجه‌ - گونديز هاي‌ - وايدا
عذابينگ‌ آرتديرار سنينگ‌ هر آيدا
چيليم‌كش‌ همراه‌دير يانينگ‌، غيبت‌كش

روسياه‌ سن‌ محشر گوني‌ كريمه‌
تانگري‌ ثوابينگدان‌ آلار جريمه‌
ايمان‌سيز تن‌ ايديپ‌ التر جحيمه‌
گله‌ ادر سندن‌ جانينگ‌، غيبت‌كش

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی