فرقي‌كيمده‌دير



بيزدن‌ سلام‌، اراز منگلي‌ شاعره‌
 مسلمان‌، كافرينگ‌ فرقي‌ كيمده‌دير؟
اول‌ نه‌ قوشدور قونار آدم‌ سرينه‌
آنينگ‌ قونار، قونماز اركي‌ كيمده‌دير؟
 
نه‌ بنده‌دير، قوللوق‌ ادر، زاد آلماز
 نه‌ آشنادير، مونگ‌ ييل‌ گيدر، ياد اولماز
اولار كيمدير ـ آغلار گزر، شاد اولماز
نيرده‌ صحبت‌ قورار، رزقي‌ كيمده‌دير؟
 
ادريس‌ شوندا نيرده‌ قورار صحبتي‌
 بيل‌، كيمده‌دير، يرينگ‌-گوگونگ‌ قواتي‌
اول‌ نه‌ قوشدور، آلتي‌ مونگ‌دور قاناتي‌
آي‌-گونونگ‌، ييلديزينگ‌ اوركي‌ كيمده‌دير؟
 
باش‌آشاق‌ آسديلار قايسي‌ آغاجي‌
حق‌ قايسي‌ دوستونه‌ بردي‌ معراجي‌
بيزينگ‌ پيغمبره‌ بريلن‌ تاجي‌
خبر برگين‌، شون‌ ده‌ي‌ بوركي‌ كيمده‌دير؟
 
بگ‌لر، مختومقلي‌ لسان‌ جوشا گلدي‌
شوندي‌ عيسي‌ گوكده‌ نه‌ شهره‌ يلدي‌
پيغمبر كيمساگه‌ وصيت‌ قيلدي‌
عصاسي‌، خرقه‌سي‌، كركي‌ كيمده‌دير؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی