آي‌ - گونونگيزباتماغا


 آلتميش‌ ياشان‌، يتميش‌ ييلقي‌ صوفي‌لار

آز قاليپ‌ دير آي‌ - گونونگيز باتماغا

چول‌ يرلرده‌ تازي‌ گورمان‌ تيلكي‌لر

خيال‌ ادر ياتان‌ شيري‌ آتماغا

 

قارغا آيدار: يوقدور من‌ دك‌ شهبازه‌

مونگ‌ قارغا ييغيلسه‌، دگمز بير بازه‌

گونه‌ قارغيش‌ ادن‌ ساري‌ كلپزه‌ 

دم‌ چكه‌دير آژدارهاني‌ يوتماغا

 

آغاساق‌ كييك‌، يوز تورسيغا يتديرمز 

شير بچه‌سي‌ توغسان‌ تيلكا آتديرماز

اولي‌ ييلان‌ كلپزاگه‌ يووتديرماز 

عقل‌ گرك‌ بو ايش‌لره‌ يتماگه‌

 

يتميش‌ ياشاپ‌، ياد اتمزلر توبه‌ني‌

 خرم‌ بيله‌ اوينادارلار قهبه‌ني‌

منكرلر جم‌ بولوپ‌ ييقدي‌ كعبه‌ني

يزيد گيتدي‌ آغاچلارين‌ ساتماغا

 

گورونگ‌ بو ايامي‌، گورونگ‌ گردشي‌

فقيره‌ ظ‌لم‌ اتمك‌ ظ‌الم‌نينگ‌ ايشي‌

حق‌ يولوندا دوغري‌ گزن‌ درويشي‌

 قويماديلار اوز حالينا ياتماغا

 

يوره‌گيم‌ صبردان‌، گيتدي‌ قراردان‌

يامان‌ ايش‌ دير  بوغاز بولماق‌ ار اردن‌

بيزاره‌ گليپ‌ من‌ بيله‌ دياردان‌

جور بولوپ‌ من‌ باشيم‌ آليپ‌ گيتماگه‌

 

مختومقلي‌ بيلديم‌ بختيم‌ بي‌وج‌ دير

غنيميم‌ گويچ‌لي‌ دير، اقباليم‌ كج‌ دير

نيتيم‌ كعبه‌ دير، خياليم‌ حج‌ دير

اخلاصيم‌ بار حج‌ ط‌وافين‌ اتماگه‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی