آلان‌ياغشي‌دير


آدم‌ اوغلي‌، بو دنيادن‌ اوتينچانگ‌

 آد بيلن‌ آبيراي‌ آلان‌ ياغشي‌ دير

قولاتي‌نينگ‌ ساياسيندا ياتينچانگ‌

بورگوت‌ پنجه‌سينده‌ قالان‌ ياغشي‌ دير

 

بي‌نماز اليندن‌ ط‌عام‌ ايچمانگ‌لر

ايسلنمه‌گن‌ يرده‌ گفتار آچمانگ‌لار

هرگز نامرد كوپري‌سيندن‌ گچمانگ‌لر

غرق‌ بولوپ‌، دريادا قالان‌ ياغشي‌دير

 

خاط‌ارينگ‌ گوركي‌دير مايالار، نرلر

 ايليمينگ‌ قواتي‌ مردانه‌ ارلر

يالانچي‌ تانگري‌نينگ‌ دوشماني‌ دييرلر

اما جاي‌ يرينده‌ يالان‌ ياغشي‌دير

 

مختومقلي‌، ديير سوزوم‌ داغ‌ آشماز

نامرد آدم‌ يولداشينا قاراشماز

ياسخانه‌ يرينده‌ گولمك‌ ياراشماز

تويونگ‌ ميليسينده‌ گولن‌ ياغشي‌دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی